Саудия Профессионал Лигаси. Роналду ва Ляпортнинг голлари “Ан-Насср”га ғалаба олиб келди (видео)

Футбол бўйича Саудия Арабистони чемпионатининг 12-турида “Ан-Насср” 4 ноябрь, шанба куни “Ал-Ҳалиж” билан баҳс олиб борди.

Учрашувнинг 14-дақиқасида Садио Мане рақиб дарвозасини ишғол қилганди. Бироқ гол ўйиндан ташқари ҳолат туфайли бекор қилинди. 26-дақиқада Криштиану Роналду узоқдан берилган ажойиб зарба эвазига дарвозани ишғол этди.

58-дақиқада Ляпорт жарима зарбасидан узатилган тўпни дарвозага жойлаб қўйди. Қолган дақиқаларда дарвозалар ишғол этилмади ва Ар-Риёд клуби ишончли ғалабани расмийлаштирди.

Саудия Профессионал Лигаси

12-тур баҳси

4 ноябрь, шанба

“Ан-Насср” – “Ал-Ҳалиж” 2:0

Голлар: 1:0 – 26 Роналду, 2:0 – 58 Ляпорт.

“Ан-Насср”: Ал-Акиди, Ляпорт, Ал-Амри, Теллес, Брозович, Отавио, Фофана (Ал-Сулайҳим, 74), Ал-Ҳайбари (Ал-Ҳассан, 45), Мане (Ал-Ганнам, 85), Гариб (Яҳё, 86), Роналду.

“Ал-Ҳалиж”: Ал-Ҳайдари, Лопес, Ал-Ҳамсал (Ал-Ҳайдар, 77), Ал-Кҳубрани, Ребошу, Чжон У Ен (Ал-Абдан, 77), Нарей, Ҳамзи (Абдулелаҳ, 64), Иву Родригеш, Шериф (Ал-Салем, 86), Фабиу Мартинш.

Огоҳлантиришлар: Фабиу Мартинш (19), Ал-Ҳамсал (21), Гариб (79).