“Дарё” нашрига Тошкент вилояти Янгийўл туманида 27 ноябрь куни бир аёл электр симидаги кучланиш натижасида вафот этгани ҳақида хабар келиб тушди.
Унда айтилишича, янги ўтказилган электр энергияси сими узилиб кетган. Узилган электр сим бир аёлнинг устига тушган. Натижада 27 ноябрь куни аёл шифохонада вафот этган.
Ҳолат юзасидан “Ҳудудий электр тармоқлари” АЖ бошқарув раисининг ахборот сиёсати бўйича маслаҳатчиси Фаҳриддин Нуралиев “Дарё”га изоҳ берди.
“Ҳақиқатан ҳам шундай ҳодиса бўлган. Сим узилиб, унинг устига келиб тушганми ёки узилиб тушган симга тегиб кетганми, ҳозирча номаълум. У ерда ҳақиқатан ҳам кучланиш юз берган”, — деди Фаҳриддин Нуралиев.
“Дарё” воқеалар ривожини кузатиб боради.
Изоҳ (0)