Наполеон I Бонапартга тегишли бўлган икки бурчакли бикорн шляпаси Париж шаҳрида ўтказилган кимошди савдосида 1,93 миллион еврога сотилди. Император бу шляпани ХIX асрда Францияни бошқарган вақтлари кийган.
Мутахассислар лотнинг 600-800 минг еврога сотилишини тахмин қилган эдилар. Кимошди савдоси вақтида унинг қиймати кўтарилиб кетган ва лот Наполеоннинг бугунги кунга қадар аукционларда сотилган энг қиммат шляпасига айланган. Бунгача сотилган бош кийимлар ичидаги энг қиммати – 2014 йилда 1,88 миллион еврога пулланган шляпа эди.
Экспертларнинг айтишича, Наполеон бу шляпани 1808 — 1815 йилларда кийган. Император Эльба оролидан сургундан қочган вақтида ҳам унинг бошида шу шляпа бўлган. Француз императорининг икки бурчакли шляпалари сони 120 тадан ошган, уларнинг бор-йўғи 20 таси ҳозиргача сақланиб қолган.
Наполеонга тегишли бўлган шляпаларнинг аксарияти бугунги кунда шахсий коллекциялар таркибида сақланади.
Изоҳ (0)