Napoleon I Bonapartga tegishli bo‘lgan ikki burchakli bikorn shlyapasi Parij shahrida o‘tkazilgan kimoshdi savdosida 1,93 million yevroga sotildi. Imperator bu shlyapani XIX asrda Fransiyani boshqargan vaqtlari kiygan.
Mutaxassislar lotning 600-800 ming yevroga sotilishini taxmin qilgan edilar. Kimoshdi savdosi vaqtida uning qiymati ko‘tarilib ketgan va lot Napoleonning bugungi kunga qadar auksionlarda sotilgan eng qimmat shlyapasiga aylangan. Bungacha sotilgan bosh kiyimlar ichidagi eng qimmati – 2014-yilda 1,88 million yevroga pullangan shlyapa edi.
Ekspertlarning aytishicha, Napoleon bu shlyapani 1808 — 1815-yillarda kiygan. Imperator Elba orolidan surgundan qochgan vaqtida ham uning boshida shu shlyapa bo‘lgan. Fransuz imperatorining ikki burchakli shlyapalari soni 120 tadan oshgan, ularning bor-yo‘g‘i 20 tasi hozirgacha saqlanib qolgan.
Napoleonga tegishli bo‘lgan shlyapalarning aksariyati bugungi kunda shaxsiy kolleksiyalar tarkibida saqlanadi.
Izoh (0)