Солиқ қўмитаси раисининг буйруғи билан Қорақалпоғистон Республикаси, Бухоро, Самарқанд ва Хоразм вилоятларидаги 9 та туман (шаҳар) солиқ инспекцияларига янги бошлиқлар тайинланди.
Қасим Туримбетов Қўнғирот тумани солиқ инспекцияси бошлиғи этиб тайинланди.
У 1984 йил Чимбой туманида туғилган. Бунга қадар Хўжайли тумани солиқ инспекцияси бошлиғи ўринбосари лавозимида ишлаб келаётган эди. Қасим Туримбетов солиқ хизматининг III даражали маслаҳатчиси.
Шоҳрух Ҳасанов Қоракўл тумани солиқ инспекцияси бошлиғи этиб тайинланди.
У 1987 йил Бухоро вилоятида туғилган. Бунга қадар Бухоро вилояти солиқ бошқармаси бошлиғи ўринбосари лавозимида ишлаб келаётган эди. Шохрух Ҳасанов солиқ хизматининг III даражали маслаҳатчиси.
Яшинжон Каримов Қоровулбозор тумани солиқ инспекцияси бошлиғи этиб тайинланди.
У 1985 йил Бухоро вилоятида туғилган. Бунга қадар Когон тумани солиқ инспекцияси бошлиғи ўринбосари лавозимида ишлаб келаётган эди. Яшинжон Каримов солиқ хизматининг I даражали инспектори.
Анвар Ғафуров Бухоро шаҳар солиқ инспекцияси бошлиғи этиб тайинланди.
У 1984 йил Бухоро вилоятида туғилган. Бунга қадар Қоровулбозор туман солиқ инспекцияси бошлиғи лавозимида ишлаб келаётган эди. Анвар Ғафуров солиқ хизматининг III даражали маслаҳатчиси.
Ўткир Байзақов Пайариқ тумани солиқ инспекцияси бошлиғи этиб тайинланди.
У 1971 йил Самарқанд вилоятида туғилган. Бунга қадар Иштихон туман солиқ инспекцияси бошлиғи лавозимида ишлаб келаётган эди. Ўткир Байзақов солиқ хизматининг II даражали маслаҳатчиси.
Зафар Жозилов Иштихон тумани солиқ инспекцияси бошлиғи этиб тайинланди.
У 1982 йил Самарқанд вилоятида туғилган. Бунга қадар Қўшработ тумани солиқ инспекцияси бошлиғи лавозимида ишлаб келаётган эди. Зафар Фозилов солиқ хизматининг I даражали инспектори.
Юсуф Пардаев Қўшработ тумани солиқ инспекцияси бошлиғи этиб тайинланди.
У 1990 йил Самарқанд вилоятида туғилган. Бунга қадар Самарқанд вилояти солиқ бошқармасида давлат солиқ бош инспектори лавозимида ишлаб келаётган эди. Юсуф Пардаев солиқ хизматининг I даражали инспектори.
Мадаминбек Эркинов Нуробод тумани солиқ инспекцияси бошлиғи этиб тайинланди.
У 1994 йил Самарқанд вилоятида туғилган. Бунга қадар Паст Дарғом тумани солиқ инспекциясида давлат солиқ бош инспектори лавозимида ишлаб келаётган эди. Мадаминбек Эркинов солиқ хизматининг I даражали инспектори.
Сардор Абдуллаев Урганч шаҳар солиқ инспекцияси бошлиғи этиб тайинланди.
У 1980 йил Хоразм вилоятида туғилган. Бунга қадар Қўшкўпир тумани солиқ инспекцияси бошлиғи лавозимида ишлаб келаётган эди. Сардор Абдуллаев солиқ хизматининг II даражали маслаҳатчиси.
Изоҳ (0)