Қиш арафасида Европа Комиссияси Украинага инсонпарварлик ёрдами учун қўшимча 110 миллион евро, жумладан Украинадаги гуманитар операциялар учун 100 миллион евро ва Молдовада украиналик қочқинлар учун яна ўн миллион евро ажратишга қарор қилди.
“Ушбу янги молиялаш Европа Иттифоқининг гуманитар шерикларига озиқ-овқат, сув, бошпана, шунингдек, соғлиқни сақлаш ва психологик ёрдам каби муҳим хизматларни тақдим этишда ёрдам беради”, — дейилади ҳужжатда.
Маълум қилинишича, Европа Иттифоқидан Украинага етказилган умумий гуманитар ёрдам шу тариқа 843 миллион еврони ташкил қилган.
12 ноябрь куни Германия ҳукумати Украинага ҳарбий ёрдам учун давлат бюджетидан ажратилган 4 миллиард еврога қўшимча равишда яна 4 миллиард евро ажратишга қарор қилгани хабар берилганди.
Изоҳ (0)