Жорий йил октябрь ойи учун давлат ташкилотларида ишловчи ходимларга бюджет маблағлари ҳисобидан 5,8 триллион сўм сарфланди. Бу ҳақда Иқтисодиёт ва молия вазирлиги хабар берди.
Маълум қилинишича, октябрда 2 миллион 478 минг 387 нафар ходимга бюджет маблағлари ҳисобидан 5 триллион 862 миллиард 200 миллион сўмлик иш ҳақи ва унга тенглаштирилган тўловлар тўлаб берилган. Хусусан:
- Мактаб таълими ходимлари учун — 2,2 триллион сўм (жами тўловнинг 37 фоизи);
- Соғлиқни сақлаш йўналишида ишловчиларга — 1,3 триллион сўм (23 фоиз);
- Мактабгача таълим ходимларига — 383 миллиард сўм (7 фоиз) ;
- Олий таълим вакилларига — 83,9 миллиард сўм (1 фоиз);
- Бошқа соҳалар ходимларига 1,9 триллион сўм (32 фоиз) тўлаб берилган.
Ҳудудлар кесимида олганда иш ҳақлари учун энг кўп маблағ Тошкент шаҳрига йўналтирилган — 712 миллиард сўм. Энг кам пуллар эса Сирдарё вилоятига ажратилган — 180 миллиард сўм.
Қолган ҳудудлардаги бюджет ходимларига қуйидагича маблағ йўналтирилган:
- Қорақалпоғистон — 385,8 миллиард сўм;
- Андижон вилояти — 479,1 миллиард сўм;
- Бухоро вилояти — 344,5 миллиард сўм;
- Жиззах вилояти —251,4 миллиард сўм;
- Қашқадарё вилояти — 481,6 миллиард сўм;
- Навоий вилояти — 255,5 миллиард сўм;
- Наманган вилояти — 428,7 миллиард сўм;
- Самарқанд вилояти — 587,5 миллиард сўм;
- Сурхондарё вилояти — 429,5 миллиард сўм;
- Тошкент вилояти — 441,6 миллиард сўм;
- Фарғона вилояти — 581,9 миллиард сўм;
- Хоразм вилояти — 303,1 миллиард сўм.
Аввалроқ бюджет ходимларига сентябрь ойининг 2-ярми учун жами 4,7 триллион сўмлик иш ҳақи ва унга тенглаштирилган тўловлар тўлаб берилгани хабар қилинганди. Августда эса бу миқдор 5 триллион сўмни ташкил этган.
Изоҳ (0)