“Ўзгидромет” ҳафта давомида қандай об-ҳаво бўлишини маълум қилди.
Унга кўра, 6—7 ноябрь кунлари Ўзбекистон ҳудуди илиқ ва бир оз нам ҳаво массалари таъсири остида бўлади. Республика ҳудудининг катта қисмида ёғингарчиликсиз об-ҳаво сақланиб туради, фақат Бухоро, Навоий, Қашқадарё, Сурхондарё вилоятларида душанба куни кундузи баъзи жойларда бир оз ёмғир ёғиши мумкин. Ҳаво ҳарорати 19-24 даража атрофида бўлади.
Ҳафта ўртасида ҳаво ўзгаради. 8 ноябрда Ўзбекистон ҳудудига нам ва совуқ ҳаво массаси кириб келиши бошланади. 8 ноябрда ҳудуднинг катта қисмида вақти-вақти билан ёмғир ёғади. 9 ноябрда Тошкент, Самарқанд, Жиззах, Сирдарё вилоятларида ва Фарғона водийси вилоятларида ёмғир ёғиши сақланиб туради.
Тоғолди ва тоғли ҳудудларда кучли ёмғир ёғади. Баланд тоғларда ёмғир қорга айланиши мумкин.10 ноябрда республиканинг барча ҳудудлари бўйича ёғингарчилик кутилмайди.
8—10 ноябрда республика бўйича баъзи жойларда шамол тезлиги 13-18 метр/секундгача кучайиши мумкин. 8—9 ноябрда ҳарорат 13-18 даражагача илиқ аста-секин пасаяди, 10 ноябрда 15-20 даража илиқ бўлади. 10 ноябрга келиб, ҳарорат кечаси 3-6 даражагача илиқ пасаяди.
Тошкентда 6—7 ноябрь кунлари ҳаво ўзгариб туради, ёғингарчилик кутилмайди. Ҳарорат 20-23 даража илиқ бўлади. 8 ноябрда куннинг иккинчи ярмида ёмғир ёғади. 9 ноябрда кечаси ва эрталаб ёмғир ёғади, кундузи ёғингарчилик кутилмайди. 10 ноябрда ёғингарчилик кутилмайди.
8—9 ноябрда ҳарорат 14-16 даражагача илиқ ҳарорат аста-секин пасаяди, 10 ноябрда 16-18 даража илиқ, кечаси эса 3-6 даражагача илиқ бўлади.
Изоҳ (0)