Покистонда портлаш оқибатида 14 аскар ҳалок бўлди. Бу ҳақда Покистон ҳукумати хабар қилди.
Покистоннинг Балужистон вилоятида хавфсизлик кучларига тегишли икки машинада содир этилган портлаш оқибатида 14 киши ҳалок бўлгани айтилмоқда.
Бундан ташқари, Хайбер-Пахтунхва вилоятида полиция микроавтобуси ёнида содир бўлган портлашда 5 киши ҳалок бўлди, 21 киши яраланди.
Аввалроқ, олти нафар жангари Покистон марказидаги ҳаво кучлари базасига ҳужум қилиб, учта самолёт ва бир танкерга зарар етказгани хабар қилинганди.
Қайд этилишича, ҳарбийлар уч нафар жангарини йўқ қилган, қолганлари қуршаб олинган.
Ҳозирда ҳудудни тозалаш бўйича операция давом этмоқда.
Изоҳ (0)