Вазирлар Маҳкамасининг “Рақобат муҳитини баҳолашнинг самарали тизимини жорий этиш чора-тадбирлари тўғрисида”ги қарори қабул қилинди.
2023 йил 1 январда Монополияга қарши курашиш қўмитаси томонидан ҳар йили Олий Мажлис Сенатига ахборот бериладиган Рақобат ривожланиши индекси жорий қилинган. Ҳужжатга мувофиқ, қуйидаги вазирлик ва идоралар ҳар йили 1 апрелга қадар Рақобат қўмитасига индексни шакллантириш учун керак бўлган маълумотларни тақдим этади:
- Давлат активларини бошқариш агентлиги;
- Статистика агентлиги;
- Иқтисодиёт ва молия вазирлиги;
- Адлия вазирлиги;
- Энергетика вазирлиги;
- Транспорт вазирлиги.
Тақдим этиладиган маълумотлар:
- тегишли бозорларда давлат улушларини қисман ёки тўлиқ сотиш учун давлат томонидан ҳуқуқий ҳужжат қабул қилиниши керак ёки керак эмаслиги тўғрисида маълумот;
- давлат корхоналарини бошқариш механизмлари тўғрисида маълумот;
- давлат харидлари ва оммавий тендерларда иштирок этиш талаблари;
- давлат харидларида берилган имтиёзлар (агар мавжуд бўлса);
- қонунчилик ҳужжатларини ишлаб чиқишда манфаатдор шахсларнинг иштироки тўғрисида умумий маълумотлар ва асословчи ҳужжатлар ва бошқалар.
Тақдим этилган маълумот асосида индекс шакллантирилади ва ОАВда эълон қилинади. Рақобат қўмитаси ҳар йили 1 июнга қадар Олий Мажлис Сенатига ўтган йилдаги даврдаги индекснинг ҳолати бўйича ҳисобот беради.
Ҳужжат қонун ҳужжатлари маълумотлари миллий базасида эълон қилинган ва 2023 йил 30 октябрдан кучга кирди.
Аввалроқ Ўзбекистонда рақобат соҳасидаги давлат сиёсатининг асосий йўналишлари белгилангани, рақобатга оид қонунчилик ҳужжатларини бузганлик учун маъмурий жавобгарлик кучайтирилиши тўғрисида хабар берилганди.
Изоҳ (0)