Хитой элчихонаси расмий сайтида мамлакатнинг Ўзбекистондаги фавқулодда ва мухтор элчиси Юй Сзюн томонидан имзоланган табрикнома эълон қилинди.
Дипломатик миссия сайтида ёзилишича, эндиликда Хитойнинг мамлакатдаги дипломатик миссиясига Юй Сзюн бошчилик қилади.
Маълумот учун, Юй Сзюн 1972 йилда туғилган. У Хитой Коммунистик партияси аъзоси, олий маълумотли. Ташқи ишлар вазирлигининг тегишли бошқарма ва идораларида, шунингдек, хориждаги элчихоналар ва консулликларда ишлаган.
Хитойнинг Ўзбекистондаги аввалги элчиси Сзян Ян жорий йилнинг февраль ойида беш йиллик дипломатик миссияси якунланганини эълон қилган эди. У 2018 йилдан бери мазкур лавозимда фаолият юритиб келаётган эди. Ундан олдин эса элчихонага Сун Лицзе раҳбарлик қилган.
Апрель ойида Шавкат Мирзиёев фавқулодда ва мухтор элчилар — Фаластин давлатидан Жавад Аввад, Япониядан Хатори Такаши, Қатар давлатидан Ҳасан Ҳамза Ҳошим, Словакия республикасидан Виктор Борески ва Покистон республикасидан Аҳмад Фарукнинг ишонч ёрлиқларини қабул қилиб олган эди.
Изоҳ (0)