Суперлига. “Андижон” “Пахтакор” устидан минимал ҳисобда ғалаба қозонди, “Навбаҳор” “Бухоро”ни йирик ҳисобда мағлуб этди

Футбол бўйича Ўзбекистон Суперлигасининг 21-туридан ўрин олган икки ўйин 8-октябрь, якшанба куни бўлиб ўтди.

“Андижон” ўзида “Пахтакор”ни қабул қилди ва 1:0 ҳисобида мағлуб этди. 84-дақиқада Рубин Ҳебай томонидан урилган гол андижонликларга ғалаба келтирди.

“Андижон” ушбу ғалабадан сўнг очколари сонини 31 тага етказиб, 6-ўринга кўтарилиб олди. “Шерлар” 43 очко билан 1-ўринда бормоқда.

“Навбаҳор” сафарда “Бухоро” билан баҳс олиб борди. Учрашувнинг 33-дақиқасида Жамшид Искандеров ҳисобни очди. 87-дақиқада эса Асадбек Собиржонов ҳам ўз ҳисобига гол ёздириб қўйди. Ҳакам қўшиб берган дақиқаларда Темурхўжа Абдухолиқов дарвозани ишғол қилиб, наманганликларнинг йирик ғалабасини таъминлади. 

“Навбаҳор” очколарини 40 тага етказди ва 2-поғонани банд этди. “Бухоро” 14 очко билан 13-ўриндан жой олди. 

Суперлига

21-тур

8-октябрь, якшанба

“Андижон” – “Пахтакор” 1:0

Гол: 1:0 — 84 Рубин Ҳебай.

“Андижон”: 72. Игор Литовка, 5. Абдулвоҳид Ғуломов, 8. Фарҳод Бекмуратов (9. Леван Арвеладзе, 67), 10. Илҳом Абдуғаниев (19. Суҳроб Бердиев, 81), 13. Сардор Азимов (11. Сардор Абдунабиев, 81), 15. Владимир Бубаня, 26. Муҳаммадкарим Тоиров, 28. Ислом Маматказин, 66. Илҳом Алижонов, 94. Армин Бошняк (17. Фарҳоджон Соҳибжонов, 81), 99. Рубин Ҳебай (22. Шаҳбоз Эркинов, 90+6).

“Пахтакор”: 36. Павел Павлюченко, 3. Ҳожиакбар Алижонов, 30. Метю Стинворден, 88. Шаҳзод Азмиддинов, 34. Фарруҳ Сайфиев, 7. Одил Ҳамробеков, 27. Сардор Собирхўжаев (6. Муҳаммадали Ўринбоев, 84), 17. Достонбек Ҳамдамов (77. Дилшод Saitoв, 66), 28. Диёр Холматов, 11. Пўлатхўжа Холдорхонов, 19. Пшемислав Банашак (2. Беҳруз Асқаров, 84).

Огоҳлантиришлар: Достонбек Ҳамдамов (21), Шаҳзод Азмиддинов (44).

“Бухоро” – “Навбаҳор” 0:3

Голлар: 0:1 — 33 Жамшид Искандеров, 0:2 — 97 Асадбек Собиржонов, 0:3 — 90+3 Темурхўжа Абдухолиқов.

“Бухоро”: 20. Сардор Қобилжонов, 2. Иззатилло Пўлатов, 94. Фране Икич, 15. Диёрбек Ортиқбоев, 80. Фарруҳ Иброҳимов (17. Жамолиддин Убайдуллаев, 76), 99. Жавоҳир Рўзиев, 88. Всеволод Нихаев (5. Дилшод Жўраев,76), 70. Александар Станисавлевич (77. Асилбек Қаюмов, 60), 10. Ҳумоюнмирзо Иминов (9. Жасур Холтўраев, 46), 7. Муҳаммаджон Раҳимов, 11. Шоҳруз Норхонов (22. Маҳмуд Жўрабоев, 76).

“Навбаҳор”: 1. Ўткир Юсупов, 5. Милош Милович, 6. Иброҳим Йўлдошев, 22. Игор Голбан, 13. Филип Иванович, 77. Асад Собиржонов, 14. Жамшид Болтабоев, 10. Жамшид Искандеров, 7. Остон Ўрунов (33. Дониёр Абдуманнопов, 73) 21. Темурхўжа Абдухолиқов, 22. Тома Табатадзе.

Огоҳлантириш: Иззатилло Пўлатов (85).