iPhone 15 фойдаланувчилари сериядаги барча телефонлар ҳаддан ташқари қизиб кетганидан шикоят қила бошлади. Apple компанияси бунинг сабабини очиқлаб, муаммони бартараф этишга ваъда берди. Бу ҳақда Bloomberg хабар берди.
Смартфон корпуси айрим ҳолларда 42-48 даражага қизиган. Apple iPhone 15 моделлари одатдагидан кўра қизиб кетишининг учта сабаби борлигини тан олди. Биринчиси, фойдаланишнинг биринчи кунларида iOS фойдаланувчи созламалари ва маълумотларини фон режимида тиклайди, бу эса процессорни одатдагидан кўпроқ ишлашга мажбур қилади.
Иккинчи сабаб — “тизимни ортиқча юклайдиган” учинчи томон иловалари. Булар Instagram, Аспҳалт 9 ва Uber. Компания ишлаб чиқувчиларга ушбу муаммони ҳал қилишда ва тегишли янгиланишларни чиқаришда ёрдам беришини айтди.
Учинчиси, iOS 17 даги хатолик бўлиб, у ҳаддан ташқари қизиб кетиш муаммосини янада кучайтиради, бироқ компания бу нима эканини ошкор қилмаган. Apple муаммони ҳал қилиш устида ишламоқда — муаммо кейинги iОS янгиланишларидан бирида тузатилади.
Изоҳ (0)