Ўзбекистонда дам олиш кунлари кузатиладиган об-ҳаво эълон қилинди

Октябр ойининг боши Ўзбекистонда қуруқ ва иссиқ бўлади, деб хабар бермоқда “Ўзгидромет”.

Маълум қилинишича, 29-сентябр ва дам олиш кунлари Ўзбекистон ҳудудининг катта қисмида қуруқ ва илиқ об-ҳаво сақланиб туради. Фақат Тошкент вилояти ва Фарғона водийси вилоятларининг айрим жойларида 30-сентябрда бир оз ёмғир ёғиши мумкин. Ҳарорат асосан кечалари 10-15 даража, кундуз кунлари 23-28 даража бўлади.

29—30-сентябр кунлари республиканинг баъзи жойларида шамол тезлиги 13-18 метр/секундгача кучайиши, айрим жойларда чанг-тўзон билан кузатилиши мумкин.

Тошкентда ҳаво бир оз булутли бўлади, вақти-вақти билан ўзгариб туради, ёғингарчилик кутилмайди, фақат 30-сентябр, шанба куни кечаси ва эрталаб бир оз ёмғир ёғиши мумкин. Шамол асосан шарқдан 3-8 метр/секунд тезликда эсади, 30 сентябрда 10-12 метр/секундгача кучаяди. Ҳарорат кечаси 12-15 даража, кундузи 23-26 даража бўлади.