Тошкент вилояти Ангрен шаҳридаги 3 та боғчадаги болалар ич бузилиши ташхиси билан шифохонага ётқизилгани ҳақида хабар берилган эди. Санэпидқўмита ҳолат юзасидан маълумот берди.
Унга кўра, Ангрен шаҳар шифохонасининг юқумли касалликлар бўлимига 13 сентябрь куни соат 14:00 дан бошлаб 14 сентябрь куни соат 21:00 га қадар шаҳардаги 10-сонли ДМТТ да тарбияланаётган болалар кўнгил айниши, қайд қилиш, тана ҳароратни кўтарилиши, тез-тез ич келиши каби шикоятлар билан мурожаат қилиб, улардан 24 нафари овқатдан заҳарланиш ёки ошқозон фаолиятининг функсионал бузилиши бирламчи ташхиси билан ётқизилган, 7 нафарига бирламчи тиббий ёрдам кўрсатилиб, уйига рухсат берилган.
Санэпидқўмита ходимлари томонидан лаборатор текширувлар учун юқумли касалликлар бўлимига мурожаат қилган беморлардан ҳамда ДМТТ омборхонасида сақланаётган озиқ-овқат маҳсулотларидан намуналар олинди. Боғчанинг 240 нафар тарбияланувчилари шифокорлар томонидан тўлиқ тиббий кўрикдан ўтказилди, тиббий назоратга олинди ва ташкилот иш фаолияти вақтинчалик тўхтатилди.
Ҳолат Санэпидқўмита томонидан тўлиқ назоратга олинган.
Изоҳ (0)