Ташқи меҳнат миграцияси агентлиги Россияда иш ҳақини ололмаётган 131 нафар ўзбекистонликка ойлик маоши ундириб берилганини маълум қилди.
Қайд этилишича, Россияда ишлаётган бир гуруҳ ўзбекистонликлар Ташқи меҳнат миграцияси агентлигининг мазкур давлатдаги ваколатхонаси ҳузуридаги Меҳнат мигрантларининг мурожаатлари билан ишлаш ва ҳуқуқий қўллаб-қувватлаш марказига ойлик маошини ундириб беришда амалий ёрдам сўраб мурожаат қилган.
Мазкур мурожаат иши доирасида Марказ масъул ходимлари томонидан иш берувчи ҳамда ҳуқуқни муҳофаза қилувчи органлар билан олиб борилган музокаралар натижасида “СМU-161” қурилиш корхонасидан 131 нафар фуқаронинг 11 миллион 517 минг рубль (120 минг АҚШ доллари) миқдоридаги ойлик маошлари тўлиқ ундирилиб берилган.
Бундан аввал Жанубий Кореяда ишлаётган ўзбекистонликларнинг 148 минг доллар пули ундириб берилганди.
Изоҳ (0)