30 августга ўтар кечаси Россия қўшинлари Киевга ракета ҳужумини бошлади. Ракета бўлаклари турар жой биноси томига ва қабристонга қулади. Оқибатда икки киши ҳалок бўлди, деб хабар бермоқда Киев мэри Виталий Кличко.
“Киевнинг турли ҳудудларида ракета парчалари қулаши оқибатида икки киши ҳалок бўлди. Яна уч киши турли даражада жароҳат олди. Ярадорларга тиббий ёрдам кўрсатилди, икки нафар ярадор касалхонага ётқизилди”, — дейилади Киев шаҳар ҳарбий маъмурияти хабарида.
Маъмурият аниқлик киритишича, корхонанинг 26 ва 36 ёшли қўриқчилари ҳалок бўлган.
.jpg)
Қайд этилишича, Киев баҳордан бери бундай кучли ҳужумга учрамаган эди. Шевченковский ва Дарницкий туманларида ракета бўлаклари нотурар жой биноларига қулаган, ёнғинлар содир бўлган.
Изоҳ (0)