30-avgustga o‘tar kechasi Rossiya qo‘shinlari Kiyevga raketa hujumini boshladi. Raketa bo‘laklari turar joy binosi tomiga va qabristonga quladi. Oqibatda ikki kishi halok bo‘ldi, deb xabar bermoqda Kiyev meri Vitaliy Klichko.
“Kiyevning turli hududlarida raketa parchalari qulashi oqibatida ikki kishi halok bo‘ldi. Yana uch kishi turli darajada jarohat oldi. Yaradorlarga tibbiy yordam ko‘rsatildi, ikki nafar yarador kasalxonaga yotqizildi”, — deyiladi Kiyev shahar harbiy ma’muriyati xabarida.
Ma’muriyat aniqlik kiritishicha, korxonaning 26 va 36 yoshli qo‘riqchilari halok bo‘lgan.
.jpg)
Qayd etilishicha, Kiyev bahordan beri bunday kuchli hujumga uchramagan edi. Shevchenkovskiy va Darnitskiy tumanlarida raketa bo‘laklari noturar joy binolariga qulagan, yong‘inlar sodir bo‘lgan.
Izoh (0)