“Кўп квартирали уйларни бошқаришни янада самарали ташкил қилиш чора-тадбирлари тўғрисида”ги президент қарори қабул қилинди.
Қарорга кўра, республикадаги чегаралари белгиланмаган кўп квартирали уйларнинг туташ ер участкалари чегаралари белгиланиб, “Ерэлектрон” ахборот тизимига киритилади.
2024 йил 1 январдан:
- кўп квартирали уйлардаги кўчмас мулк билан боғлиқ битимлар нотариуслар томонидан мулкдорнинг мажбурий бадаллар ёки тўловлар бўйича қарздорлиги мавжуд эмаслиги текширилгандан кейин тасдиқланади;
- мажбурий бадалларнинг ёки тўловларнинг энг кам миқдори Қурилиш ва уй-жой коммунал хўжалиги вазирлиги томонидан белгиланади;
- агротехник ишлов беришдан ҳосил бўладиган (дарахт ва бута шох-шаббалари, барглари) ва кўп квартирали уйларга туташ ҳудудларни тозалашдан ҳосил бўлган чиқиндиларни маиший чиқиндиларни тўплаш пунктларида ёки чиқиндиларни олиб чиқиб кетиш операторлари билан келишилган махсус жойларда йиғишга рухсат этилади.
Ҳисоб палатаси бош прокуратура ҳамда Қурилиш ва уй-жой коммунал хўжалиги вазирлиги билан биргаликда бир ой муддатда кўп квартирали уй-жойлар мулкдорлари ширкатлари ва бошқарувчи ташкилотларнинг ҳудудий элекр тармоқлари корхоналари олдидаги 80,5 миллиард сўм қарздорлик ва улар учун ҳисобланган жарималар юзасидан ўрганиш ўтказиб, бу қарздорликни ундириш бўйича таклифлар киритади.
Бунда қарздорликнинг тўлов муддати 2024 йил 1-октябргача кечиктирилади.
Изоҳ (0)