Йиллар давомида анорексиядан азият чеккан машҳур аёллар (фото)

Оилавий муаммолар, ўзини паст баҳолаш, танишларнинг қўпол мулоҳазалари — одамларни хавфли очлик эълон қилишга ундаса-да, бу курашда асосий нарса ғолиб чиқишдир. Қуйида анорексиядан азият чеккан машҳурлар ҳақида маълумот берамиз.

Николь Ричи

Николь ҳеч қачон тўла бўлмаган: кийим ўлчами ҳар доим S-М орасида ўзгариб турарди ва актриса, умуман олганда, ён томонлари ва белидаги ортиқча сантиметрлар ҳақида шикоят қилмасди. Бироқ Пэрис Хилтон билан дўст бўлгандан кейин Ричи қийин кунларни бошдан кечирди. Бир зумда келган машҳурлик ва папарацсиларнинг доимий таъқибига қизнинг асаблари дош бермади. 2000 йилларнинг бошларида Николь анорексиядан азият чекди. Шундан кейин у вазн билан боғлиқ муаммолар соғлиғига катта таъсир қилишини тушунди. Ричига ҳаммасини ўз жойига қўйиш ва соғлом қоматга келиш учун икки йил керак бўлди.

Бугунги кунда Николь икки фарзанднинг онаси ва нозик қомат эгаси, аммо уни “қоқсуяк” деб танқид қилишади. Ричининг сўзларига кўра, унинг ҳозирги вазни норма бўлиб, бу унга ўзини ҳам гўзал, ҳам соғлом ҳис қилиш имконини беради.

Леди Гага

Гага ҳаддан ташқари озғинликдан азият чекмайди. Аксинча, қўшиқчининг вазни тез-тез ўзгариб, уни турли баҳслар объектига айлантиради. Бироқ 2012 йилда Леди Гага интервьюсида 15 ёшидан бери анорексия ва булимиядан азият чекишини тан олди. Ҳозирда барча муаммолар ўтмишда қолган, аммо барибир вазн хонанда учун оғриқли мавзу бўлиб қолмоқда. Шу сабабли у доимий равишда диетаси ва турмуш тарзини кузатиб боришга мажбур.

Виктория Бэкхем

Кўпчилик Викториянинг вазн йўқотиш иштиёқи ҳақида эшитган. Корсетлар, қаттиқ диэта, спорт залида узоқ вақт ишлаш — буларнинг ҳаммаси фақат энг кичик кийим ўлчамини кийиш учун. Кўплаб машҳурлар билан содир бўлганидек, продюсернинг бепарво маслаҳати билан бошланди. Spice Girls гуруҳида хонанда эканида машҳурлигини ошириш учун қизга бир неча ўн килограмм йўқотиш тавсия қилинади. Бэкхем бу маслаҳатни ўзининг одатдаги пухталиги ва жиддийлиги билан қабул қилади.

Ўшандан бери Викки қаттиқ диэтада бўлиб, собиқ қўшиқчи, ҳозир эса таниқли дизайнер қаерга бормасин шахсий ошпазини олиб юради. Бугунги кунда Виктория тўғри ва тананинг эҳтиёжларига мос равишда овқатланишни ўрганди. Бироқ унинг озғин қомати ҳали ҳам кўплаб диэтологлар учун саволлар туғдиради.

Анжелина Жоли

Актриса соғлиғида жуда кўп муаммоларга дуч келди. 2007 йилда онасининг вафотидан сўнг Жоли жуда тез озиб кетади. Севимли инсонининг ўлими Жолига қаттиқ таъсир қилади, у овқатланмай қўяди ва жуда оз ухлайди. Ўшанда ОАВ актрисани ҳаддан ташқари озғинликни тарғиб қилишда айблаб, уни муҳокама объектига айлантиришади. Бунга жавобан Жоли ҳаётининг бундай оғир даврида унга тегмасликни ва ҳеч бўлмаганда бир муддат оиласини ёлғиз қолдиришни илтимос қилади. Ҳиссий ва психологик муаммолар кўпинча анорексияга олиб келади. Жолига аста-секин соғлиғини тиклаш учун бир йил керак бўлди.

Тара Рид

“Американча пирог” юлдузи Тара Рид, афсуски, актрисалик истеъдоди билан эмас, балки шов-шувли папарацси фотосуратлари билан машҳур. Ўта озғинлик ва пластик жарроҳнинг муваффақиятсиз иши соғлом гўзал қизни парҳезнинг анти-рекламасига айлантирди. Зарарли одатлар, қуёшда ҳаддан ташқари кўп тобланиш ва ташқи кўринишдаги ҳар хил ўзгаришлар актрисани анорексияга олиб келди. Аммо актрисанинг сўзларига кўра, у ўзининг қоматидан тўлиқ қониқади.