Машҳурлар оддий инсонлар каби тинч оилавий бахтга интилади. Уларнинг орасида кўплаб фарзандли бўлишни маъқул кўрганлари ҳам бор. “Яндекс Дзен” нашри шу каби кўп фарзандли машҳур инсонлар ҳақида маълумот берди.
Анжелина Жоли
Анжелина Жоли — кўп фарзандли машҳурлар ҳақида гап кетганда хаёлга келадиган биринчи инсон. Унинг Бред Питт билан турмушидан уч нафар фарзанди бор, бундан ташқари, актриса икки нафар ўғил ва бир нафар қизни асраб олган. Умуман олганда, у олти фарзанднинг онаси.
Мадонна
Мадонна 1996 йилда, яъни 38 ёшида қизини дунёга келтирган. Орадан тўрт йил ўтиб, хонанда режиссёр Гай Ричи билан турмушидан ўғил фарзандни дунёга келтирди. Кейинчалик у яна тўрт нафар фарзандни асраб олди. Хонанда ҳозирда олти нафар фарзандини тарбияламоқда.
Эдди Mёрфи
Эдди Mёрфи ўн нафар фарзанднинг отаси. Унинг биринчи турмушидан олдин ҳам икки нафар фарзанди бор эди. Актёрнинг 1993 йилдан 2005 йилгача бўлган турмушидан беш нафар фарзанди дунёга келди. Актёр бу рафиқаси билан ажрашгандан сўнг Spice Girls гуруҳининг собиқ аъзоси билан турмуш қурди ва бу турмушдан яна бир қиз фарзанд дунёга келди. Кейинчалик яна турмуш қурган актёр яна икки нафар қизлик бўлди.
Кевин Костнер
Кевин Костнернинг етти нафар фарзанди бор. У талабалик йилларида биринчи рафиқаси билан оила қурди ва бу турмушдан унинг уч нафар фарзанди дунёга келди. Жуфтлик 1994 йилда ажрашди ва Костнернинг кейинги турмушидан яна бир нафар фарзанди дунёга келди. Актёр 2004 йилда янги ҳаёт бошлади ва яна оила қурди, шундан сўнг у яна уч фарзанднинг отаси бўлди.
Алек Болдуин
Алек Болдуин олти нафар фарзанднинг отаси. Унинг Ким Басингер билан биринчи турмушидан бир нафар қизи бор эди. Актёр 2012 йилда йога бўйича ўқитувчиси билан турмуш қурди ва бу турмуш уни яна беш нафар фарзанднинг отасига айлантирди. 62 ёшли актёрнинг энг кичик фарзанди 2020 йилда туғилган.
Клинт Иствуд
Кўплаб эркаклар иккита алоҳида ҳаётни: биринчисини ёшликда ва бошқасини кексаликда бошдан кечиришга муваффақ бўлишса, Иствуд ўнлаб турли ҳаётни яшаганга ўхшайди. У расмий равишда оммага маълум бўлган саккиз фарзанднинг отаси. Актёрнинг биринчи қизи 1954 йилда, кичиги эса 1996 йилда дунёга келган.
Миа Ферроу
Миа Ферроу тўрт фарзандни дунёга келтирди, уларнинг уч нафари биринчи турмуш ўртоғи — машҳур мусиқачи билан турмушидан ва биттаси Вуди Аллен билан никоҳидан туғилган. Бундан ташқари, у ўн нафар болани асраб олди, уларнинг баъзилари турмушга чиқди, баъзилари эса оила қурмаган. Умуман олганда, Миа Ферроу ўн тўрт фарзанднинг онаси.
Мел Гибсон
Мел Гибсон биринчи бор 1980 йилда турмуш қурди. Унинг биринчи рафиқаси билан турмушидан етти нафар фарзанд: бир қизи ва олти ўғли дунёга келди. Жуфтлик 2006 йилда ажрашди. 2009 йилда Мел Гибсоннинг Оксана Григориева билан турмушидан яна бир нафар қиз фарзанд дунёга келди. 2017 йилда актёрнинг тўққизинчи фарзанди туғилди.
Роберт Де Ниро
Роберт Де Ниро олти фарзанднинг отаси. 1976 йилда унинг биринчи турмушидан биринчи фарзанди дунёга келди ва шунингдек у рафиқасининг фарзандини ҳам асраб олди. Актёр биринчи рафиқаси билан ажрашганидан кейин яна турмуш қурди ва эгизакларнинг отасига айланди. 1997 йилда актёр яна уйланди ва унинг бу турмушидан икки нафар фарзанди дунёга келди. Актёрнинг энг кичик фарзанди 2011 йилда дунёга келган.
Чарли Чаплин
Чарли Чаплин ўн бир фарзанднинг отаси. Унинг биринчи никоҳидан бўлган биринчи фарзанди 1919 йилда туғилган. Актёрнинг иккинчи турмушидан яна икки нафар фарзанд дунёга келган. Уна Ўнил Чаплиннинг тўртинчи рафиқаси бўлган, унинг бу турмушидан саккиз нафар фарзанди бор эди. Чаплиннинг энг кичик фарзанди 1962 йилда туғилган, ўша пайтда актёр 73 ёшда бўлган.
Марлон Брандо
Марлон Брандо ўн беш фарзанднинг отаси сифатида қайд этилган. 1958 йилда унинг биринчи ўғли туғилди. Унинг иккинчи турмушидан яна икки фарзанди дунёга келган. Кейинги турмушдан ҳам унинг яна икки нафар фарзанди туғилди. Актёрнинг уйдаги ишчиси билан турмушидан ҳам уч фарзанди бор эди. Унинг энг кичик фарзанди 1994 йилда, актёр 70 ёшда бўлган пайтда туғилган. Бундан ташқари, у учта болани асраб олди. Шунингдек, актёр 1967 йил ва 1968 йилларда туғилган яна уч фарзанднинг отаси ҳисобланади.
Изоҳ (0)