Жанубий кореялик блогер Юн Чжей ўзининг бордер-колли зотли, Сола лақабли ити унга кўкрак саратони ташхиси қўйилганига қандай муносабат билдиргани акс этган видеони мухлисларига тақдим этди.
Ўтган йилнинг ноябрь ойида эълон қилинган видеода Чжей итига бошидаги шляпасини ечиб кимётерапия унга қандай таъсир қилганини кўрсатган. Соланинг бу ҳолатга бўлган муносабатидан унинг эгаси нимага дуч келганини тушунганини кўриш мумкин. Видеода ит Чжейни қучоқлаб олган, кейин унинг ёнига ётган.
Тадқиқотлар шуни кўрсатадики, итлар саратон касаллигига чалинган ва кимётерапиядан ўтган инсоннинг ҳидидаги ўзгаришларни аниқлай олади.
Шундан кейин From Sola канали уй ҳайвони номидан ит ва унинг эгаси ҳақидаги видеоларни мунтазам равишда эфирга узатди. Масалан, видеоларда Сола ҳар куни ётиб қолган эгаси учун нималар қилмоқчи бўлгани ва уни қўллаб-қувватлашга ҳаракат қилгани акс этган. Сола эгасининг ёнида ўтиради, унинг кўнглини кўтариш учун ҳар томонлама ҳаракат қилади, панжасини узатади ва уни қучоқлайди.
3 май куни “Саратон ҳақида сўнгги видеомиз” номли видео чиқди, унда Юн Жей ремиссияга тушгани ҳақида хабар берилган. Ушбу видеода касалликка қарши курашга бағишланган олдинги видеолардан кесмалар мавжуд.
Шундан кейин канал саратон касаллиги ҳақида видеолар чиқармаган. Масалан, 2 август куни эълон қилинган видеода Сола ва унинг эгаси топиб олган мушукчага ғамхўрлик қилаётгани тасвирланган.
Изоҳ (0)