Европа Иттифоқи Украинага 224 мингга яқин артиллерия ўқларини етказиб берди. Бу ҳақда Европа Иттифоқи ташқи сиёсат хизмати расмий вакили Питер Стано маълум қилди, деб ёзади “Франс Пресс”.
“Европа Иттифоқига аъзо давлатлар 223,8 мингга яқин артиллерия ўқ-дориларини — узоқ масофага учувчи, аниқ бошқариладиган ўқ-дорилар, шунингдек, миномёт ўқ-дорилари ва барча турдаги 2300 та ракеталарни етказиб берди”, — деди у.
Аввалроқ Польша президенти Анжей Дуда Украина урушни ўз фойдасига ўзгартириш учун иттифоқчилардан етарлича қурол олмаганини айтганди.
“Украина узоқ масофага учувчи артиллерия билан таъминланган — шу кунгача улар етказиб берилмоқда. Ҳатто Украина ҳозир Россияга қараганда замонавийроқ ҳарбий салоҳиятга эга, деса бўлади.
Савол шуки, Украинада уруш тўлқинини ўз фойдасига буриш учун етарлича қурол борми? Эҳтимол, йўқ. Улар етарли қуролга эга эмас. Биз буни ҳозирда улар рус армиясига қарши ишончли қарши ҳужумга ўта олмаётганидан биламиз. Қисқаси, уларга кўпроқ ёрдам керак”, — деганди Анжей Дуда.
Изоҳ (0)