Ўзбекистон президентининг фармойиши билан Дилшод Йўлдошев Бухоро вилояти солиқ бошқармаси бошлиғи этиб тайинланди. Бу ҳақда Солиқ қўмитаси хабар берди.
Дилшод Йўлдошев тайинловга қадар Солиқ қўмитасининг Солиқ қарзини ундиришни ташкил қилиш департаменти директори лавозимида ишлаган. У солиқ хизматининг I даражали маслаҳатчиси ҳисобланади.
Шунингдек, президент фармойиши билан Аловитдин Инагамов Тошкент вилояти солиқ бошқармаси бошлиғи этиб тайинланди.
Аловитдин Инагамов тайинловга қадар Самарқанд вилояти солиқ бошқармаси бошлиғи лавозимида ишлаган. У солиқ хизматининг I даражали маслаҳатчиси ҳисобланади.
Лочинбек Қурбонов Андижон вилояти солиқ бошқармаси бошлиғи этиб тайинланди. Тайинловга қадар у Андижон шаҳар солиқ инспекцияси бошлиғи лавозимида ишлаган. Қурбонов Лочинбек солиқ хизматининг I даражали маслаҳатчиси ҳисобланади.
.jpg)
Сирожиддин Эшматов Самарқанд вилояти солиқ бошқармаси бошлиғи лавозимига тайинланди.
Тайинловга қадар у Қашқадарё вилояти солиқ бошқармаси бошлиғининг биринчи ўринбосари, Сурхондарё вилояти солиқ бошқармаси бошлиғи лавозимларида ишлаган.
Шунингдек, Мақсуд Маматхонов Фарғона вилояти солиқ бошқармаси, Шуҳратали Имомов Қашқадарё вилояти солиқ бошқармаси ҳамда Улуғбек Хатамов Сирдарё вилояти солиқ бошқармаси бошлиғи лавозимига тайинланди.
Президент Шавкат Мирзиёев август бошида Андижон ва Сирдарё вилоятлари солиқ бошлиқлари ҳамда Солиқ қўмитасининг йирик солиқ тўловчилар билан ишлаш инспекцияси бошлиғи вазифаси бажарувчисини лавозимидан олганди. Улар бюджет тушумларини таъминлаш ва тадбиркорлар фаолиятини текширишда камчиликларга йўл қўйган.
Изоҳ (0)