O‘zbekistonning 7 ta viloyatida soliq boshqarmalari boshliqlari o‘zgardi

O‘zbekiston prezidentining farmoyishi bilan Dilshod Yo‘ldoshev Buxoro viloyati soliq boshqarmasi boshlig‘i etib tayinlandi. Bu haqda Soliq qo‘mitasi xabar berdi.

Dilshod Yo‘ldoshev tayinlovga qadar Soliq qo‘mitasining Soliq qarzini undirishni tashkil qilish departamenti direktori lavozimida ishlagan. U soliq xizmatining I darajali maslahatchisi hisoblanadi. 

Shuningdek, prezident farmoyishi bilan Alovitdin Inagamov Toshkent viloyati soliq boshqarmasi boshlig‘i etib tayinlandi.

Alovitdin Inagamov tayinlovga qadar Samarqand viloyati soliq boshqarmasi boshlig‘i lavozimida ishlagan. U soliq xizmatining I darajali maslahatchisi hisoblanadi. 

Lochinbek Qurbonov Andijon viloyati soliq boshqarmasi boshlig‘i etib tayinlandi. Tayinlovga qadar u Andijon shahar soliq inspeksiyasi boshlig‘i lavozimida ishlagan. Qurbonov Lochinbek soliq xizmatining I darajali maslahatchisi hisoblanadi.

Sirojiddin Eshmatov Samarqand viloyati soliq boshqarmasi boshlig‘i lavozimiga tayinlandi.

Tayinlovga qadar u Qashqadaryo viloyati soliq boshqarmasi boshlig‘ining birinchi o‘rinbosari, Surxondaryo viloyati soliq boshqarmasi boshlig‘i lavozimlarida ishlagan.

Shuningdek, Maqsud Mamatxonov Farg‘ona viloyati soliq boshqarmasi, Shuhratali Imomov Qashqadaryo viloyati soliq boshqarmasi hamda Ulug‘bek  Xatamov Sirdaryo viloyati soliq boshqarmasi boshlig‘i lavozimiga tayinlandi.

Prezident Shavkat Mirziyoyev avgust boshida Andijon va Sirdaryo viloyatlari soliq boshliqlari hamda Soliq qo‘mitasining yirik soliq to‘lovchilar bilan ishlash inspeksiyasi boshlig‘i vazifasi bajaruvchisini lavozimidan olgandi. Ular budjet tushumlarini taʼminlash va tadbirkorlar faoliyatini tekshirishda kamchiliklarga yo‘l qo‘ygan.