2022 йил охирида Тошкент ва Куала-Лумпур ўртасида мунтазам авиаташувлар тикланганди. 2023 йилда авиакомпания томонидан Тошкентдан Жакартага мунтазам рейслар тикланди, 3 августдан эса Тошкент – Бангкок – Тошкент йўналиши бўйича авиақатновлар амалга оширила бошланди!
Жакарта, Бангкок ва Куала-Лумпур Жануби-Шарқий Осиёнинг учта машҳур туристик шаҳарлари бўлиб, уларнинг ҳар бири ўзига хос сайёҳлик таътилини таклиф этади. Табиатнинг бетакрор гўзалликлари, тарихий ва маданий мероси ва албатта, ошхонасидан роҳатланинг. Маълум бир йўналишни танлашингиздан қатъи назар, сиз ушбу учта ажойиб шаҳарнинг гўзаллиги, энергияси ва меҳмондўстлигидан ҳайратда қоласиз!
Бугунги кунда Uzbekistan Airways авиакомпанияси ҳар ҳафта Тошкент – Жакарта – Тошкент йўналиши бўйича мунтазам рейсларни бажариб келмоқда.
Тошкент – Куала-Лумпур – Тошкент йўналиши бўйича мунтазам авиаташувлар ҳафтасига икки марта амалга оширилади. 2023 йил 3 августдан бошлаб Uzbekistan Airways Тошкент – Бангкок – Тошкент йўналиши бўйича қатновларни қайта тиклади. Мунтазам қатновлар душанба/сешанба ва пайшанба/жума кунлари (ортга қайтувчи рейслар кейинги кунга ўтади) амалга оширилади.
Ўзингиз ва яқинларингизга унутилмас таассурот тақдим этинг – йил давомида ёздан завқланинг ва Марказий Осиё қанотларида дунёнинг энг қизиқарли шаҳарларига саёҳат қилинг!
Авиачипталарни юқорида санаб ўтилган ва бошқа йўналишлардаги авиақатновлар учун авиакомпаниянинг расмий www.uzairways.com веб-сайтидан ёки UzAirways иловаси орқали 3% чегирма билан, шунингдек Uzbekistan Airways Sales филиалида ёки авиакомпания агентларидан харид қилиш мумкин.
Реклама ҳуқуқи асосида.
Изоҳ (0)