Архитекторлар, дизайнерлар, лойиҳачилар, урбанистлар, журналистлар ва талабалар 6 августгача ўз лойиҳаларини тақдим этишга улгурадилар. Мукофот жамғармаси – 215 млн сўм, яхшиларни эса Украина, Исроил, Руминия, Грузия, Ўзбекистон вакилларидан иборат мустақил халқаро ҳайъат танлайди.
Меъмор//2023 – бу мустақил архитектура кўрик-танлови бўлиб, Ўзбекистонда учинчи марта ўтказилмоқда. Ташкилотчи – KNAUF компанияси, у қурилиш соҳасида ижодкорлик ва инновацияни қўллаб-қувватлаш, шунингдек соҳадаги иқтидорли мутахассисларни рағбатлантиришга интилади.
Танлов биринчи марта 2019 йилда ўтказилган ва ўшандан буён KNAUF ҳар икки йилда Ўзбекистонга обрўли халқаро ҳайъатни таклиф этади, мукофот жамғармасини ажратади ва бутун республика бўйлаб арзирли лойиҳаларни қабул қилади. Бу йил уларнинг қабули 6 августгача давом этади.
“Меъмор” – республика миқёсидаги муҳим профессионал воқеа. Кўрик-танлов Ўзбекистон замонавий архитектурасининг бугунги ҳолати тўғрисида тасаввурни шакллантиради, соҳа мутахассисларига бир-бирларининг ишлари билан танишиш ва манфаатли алоқалар ўрнатишда ёрдам беради.
“Меъмор” кўрик-танлови – бу дунёнинг янада қулай, экологик тоза ва яшаш учун ёқимли қилиш сари қўйилган яна бир қадам. Иқтидорли мутахассисларни тақдирлаш орқали биз уларни ижодни давом эттиришга рағбатлантирамиз, шунингдек жамоатчилик эътиборини қизиқарли ва самарали ечимларга қаратамиз.
Биз Ўзбекистон архитекторлари ва урбанистлари муносиб эътирофга эга бўлишларини истаймиз. Шаҳарларимизнинг ташқи қиёфаси ва инфратузилмаси уларнинг қанчалик руҳланганлигига боғлиқ”, — қайд этди Ўзбекистондаги KNAUF корхоналари раҳбари Дмитрий Дерипалко.
Анъанага кўра, ғолибларни халқаро ҳайъат аниқлайди. 2019 йилда бунинг учун Тошкентда Испания, Россия, Украина, Грузия, Ўзбекистон архитекторлари йиғилдилар. 2021 йилда Исроил, Россия, Украина, Нидерландия, Ўзбекистон вакиллари қатнашди. Бу йил ҳакамлар географияси Украина, Исроил, Руминия, Грузия, Ўзбекистонни қамраб олди. Барча ишлар шифрланган ва ҳайъат лойиҳа муаллифлари ҳақидаги ахборотни била олмайди.
“Архитектура танлови ҳайъатини танлашда шахсий ютуқларга алоҳида эътибор берилди. Ўзбекистон, Украина, Руминия, Исроил, Грузия архитектура уюшмаларининг масъулиятли вакиллари Ўзбекистонда учрашадилар, улар ўзаро амалда таниш эмаслар. Улар ғалабаларни аниқлашда максимал шаффоф, ҳалол ва профессионал баҳони таъминлайдилар”,- дейди Меъмор//2023 координатори Наталия Хилко (Украина).
Меъмор//2023 танлов тоифаларининг кўплиги билан ажралиб туради, бу ғалаба қозониш имкониятларини оширади. Бундан ташқари, бу йил ташкилотчилар барча номинацияларни “Битган объект” ва “Лойиҳа” гуруҳига тақсимлади.
Танловнинг қўшимча афзалликлари шундаки, у соҳа ОТМлари талабалари ва журналистлар учун ҳам очиқдир. KNAUF компанияси нафақат фаолият юритаётган, балки бўлажак соҳа мутахассисларини, шунингдек архитектура ва урбанистика мавзуларини ёритадиган журналистларни ҳам рағбатлантиришга интилади.
“Меъмор” мукофот жамғармаси йилдан йилга ўсмоқда: 2019 йилда у 119 млн сўм бўлганди, 2021 йилда – 160 млн сўм. Бу йил унинг ҳажми 215 млн сўмни ташкил қилди. Номинация совриндорлари 8-10 млн сўмдан оладилар. Танлов якунларига кўра ягона ғолиб журналист аниқланади, у 8 млн сўм олади.
Ғолибларни тақдирлаш тантанали маросими сентябрда Тошкентда ўтказилади. Сараланган лойиҳалар KNAUF компанияси томонидан тақдирлаш куни ташкил этиладиган кўргазмада намойиш этилади.
Агар танишларингиз орасида архитектор, дизайнер, журналист, соҳа ОТМда таҳсил оладиган талабалар бўлса, III Меъмор//2023 архитектура танловига лойиҳа топширишни уларга тавсия қилинг. Бу танлов янги уфқлар ва карьера имкониятларини очади.
Сайтда memorcontest.uz Меъмор//2023 ҳақида кўпроқ маълумот олиш ва лойиҳани тақдим этиш мумкин.
KNAUF – Ўзбекистонда!
KNAUF – оилавий бизнес тамойилларига асосланган ва фаолиятининг глобал кўламда эканига қарамай, ушбу қадриятларни сақлаб қола олган халқаро компания. Бугунги кунда KNAUF халқаро гуруҳи дунёдаги йирик қурилиш материаллари ишлаб чиқарувчилардан бири саналади.
KNAUF гуруҳининг Ўзбекистонга инвестисиялари умумий ҳажми 100 млн евродан ошади.
Мамлакатда 3 та завод ишламоқда:
- “KNAUF ГIPS БУХОРО” МЧЖ ХК (Бухоро вилоятидаги завод);
- “KNAUF ГIPS БУХОРО” МЧЖ ХК (Фарғона вилоятидаги завод);
- “БУХОРОГIPS” АЖ ҚК (Бухоро вилоятидаги завод).
Учта заводнинг ялпи ишлаб чиқариш қуввати йилига 260 минг тонна қуруқ гипс қоришмалари ва 55 млн кв/м гипс плитани ташкил қилади.
Реклама ҳуқуқи асосида.
Изоҳ (0)