Тошкент шаҳрида куз-қиш мавсумига пухта тайёргарлик кўриш мақсадида 24 июль куни айрим туманлардаги қатор кўчаларда электр таъминоти вақтинча тўхтатилади. Бу ҳақда “Ҳудудий электр тармоқлари” матбуот хизмати хабар берди.
Қайд этилишича, истеъмолчиларга сифатли ва барқарор электр энергияси етказиб берилишини таъминлаш ва электр тармоқларидаги авариявий ҳолатларнинг олдини олиш мақсадида қуйидаги манзилларда электр таъминоти вақтинча ўчирилади:
- Юнусобод тумани: “Юнусобод” ва “Акбаробод” МФЙларнинг айрим кўчаларида соат 10:30 дан 15:00 гача;
- Яккасарой тумани: “Абдулла Қаҳҳор” МФЙнинг айрим кўчаларида соат 09:00 дан 16:00 гача.
Ўз навбатида, юқоридаги ҳудудларда таъмирлаш ишлари белгиланган вақтдан аввалроқ якунланиши мумкин.
“Ҳудудий электр тармоқлари” АЖ Тошкент шаҳар филиали мазкур таъмирлаш ишлари туфайли электр таъминотидаги вақтинча узилишлар сабабли етказилаётган ноқулайликлар учун ушбу ҳудудларда яшовчи истеъмолчилардан узр сўрайди.
Ўзбекистон ҳудудида ҳаво ҳарорати кескин кўтарилиши сабабли 2023 йил 20 июль кунидан бошлаб Тошкент шаҳрининг айрим марказий кўчалари тунги кўча ёритиш тизимида чеклов жорий қилинмоқда. Эслатиб ўтамиз, 14 июль куни Олмазор, Яшнобод ва Чилонзор туманларида, 15 июлда эса Яшнобод ва Учтепа, 21 июлда Яккасарой ва Яшнобод туманларида электр таъминоти вақтинча тўхтатилганди.
Изоҳ (0)