Гранд Fashion Week мавсуми доирасида Париждаги Ла Галериэ Боурбон галереясида ўзбекистонлик таниқли дизайнерларнинг модалар намойиши бўлиб ўтди, улар мавсумнинг энг замонавий коллекцияларини тақдим этдилар. Ушбу тадбир Visa ва “Kapitalbank” АТБ кўмагида амалга оширилди.
Намойишларда АНОР, Моэл Бош, 7Сабер, Cherryмйх, Nadi.uz брендлари ва дизайнер Шаҳзода Муҳаммедова иштирок этди. Ўзбек мода саноатининг мастодонтлари – йирик намояндаларидан ташқари “Cомменcе” ёш дизайнерлар танловининг ғолиби, ёш моделер Севинч Нормаматова ўзининг янги коллекциясини тақдим этди. Кўргазмалар намойиши орасидаги танаффусларда таниқли ўзбек раққосаси Паризода ўзбек миллий рақслари билан барчани хушнуд қилди.
“Коллекциядаги образлар орқали бизнинг шарқ маданиятимизни белгиловчи ўзига хослик ва эстетик дидимиз рамзи бўлган Ўзбекистоннинг миллий белгилари – рамзлари қизил иплар орқали ифодаланади. Биз жамоатчиликни адрас ва шои каби янги этник матолар, шунингдек, каштачилик ва зардўзлик буюмларини тикиш техникаси билан таништирамиз”, - дея ҳикоя қилади Гранд Fashion Week кўргазмаси ташкилотчиси Дилноза Умурзоқова.
“Гранд Fashion Week кўргазмаси моданинг кучи турли маданият вакиллари ўртасида универсал мулоқот тили сифатида намоён бўлганлигини кўрсатди. Ўзбекистонлик истеъдодли дизайнерлар замонавий мода эстетикаси билан маданий анъаналарни уйғунлаштирган ҳолда бутун дунёга қандай “танилаётганларини” кўриш қанчалик қувонарлидир. Менимча, бу нарса Ўзбекистоннинг бой меросини янада чуқурроқ англашга хизмат қилади”, - дея ўз таассуротларини ўртоқлашди Ўзбекистоннинг энг йирик инфлюенсер - блогерларидан бири Марям Тиллаева.
“Ушбу лойиҳада биз учун муҳим бўлган иккита ғоя бирданига ўз ифодасини топди: янги нарса яратиш истаги, хоҳ у коллекция бўлсин, хоҳ бренднинг ривожланиши. Иккинчиси – коллекцияларда ўз ифодасини топган ўзбек халқининг ноёб, бетакрор маданиятини бутун дунё билан баҳам кўриш истаги. Биз бу лойиҳани қўллаб-қувватлаганимиздан мамнунмиз, чунки ушбу лойиҳа туфайли бугун бутун мода олами Ўзбекистонлик истеъдодлар ҳақида гапирмоқда”, — дейди “Kapitalbank” АТБ Бошқаруви раиси Кирилл Майевский.
Парижнинг тарихий марказида жойлашган Ла Галериэ Боурбон галереяси Испания қироллик оиласининг собиқ қароргоҳи ва Париждаги кўплаб мода уйларининг тадбирлари ўтказиладиган жой ҳисобланади. Кўргазма намойиши устида етакчи бюти-гўзаллик жамоаларидан бири – Давиде ва Жаcоб ишламоқда, ушбу жамоа аъзолари Париж ва Миландаги мода ҳафталикларининг азалий ҳамкорлари бўлиб, жаҳон брендлари, кинофестиваллари ва селебрити – бир қатор таниқли шахслар билан ишлаган портфолиога эга.
- Тадбир АНОР Creative Group, Kapitalbank | Visa, Ёш дизайнерлар кенгаши ва Ўзбекистоннинг Франциядаги элчихонаси билан ҳамкорликда ўтказилди.
- Лойиҳанинг бош ҳамкори: Visa | Kapitalbank.
- Лойиҳа ҳамкорлари: Uzbekistan Airways миллий авиакомпанияси, Афсона World Travel сайёҳлик фирмаси, 7Сабер бренди.
Реклама ҳуқуқи асосида.
Изоҳ (0)