Таиландда енгил атлетика бўйича 2023 йилги Осиё чемпионати давом этмоқда.
13 июль куни ўтказилган босқон улоқтириш бўйича мусобақада Ўзбекистон вакили Суҳроб Хўжаев кумуш медалига сазовор бўлди.
Хўжаев энг яхши уринишда 71,83 метр натижа қайд этди. Олтин медал эгаси хитойлик Ли Ван 72,13 метр натижа кўрсатган. 71,8 метр натижага эга Япония вакили Фукуда Шота кучли учликдан ўрин олди.
Шу тариқа Ўзбекистон делегацияси мазкур Осиё чемпионатидаги илк медални қўлга киритди.
Осиё чемпионати 16 июлга қадар давом этади. Олдинда спортчиларни узунликка ва баландликка сакраш, уч ҳатлаб сакраш, ядро улоқтириш, босқон ва диск улоқтириш, еттикураш ҳамда югуриш йўналишлари бўйича мусобақалар кутиб турибди.
Изоҳ (0)