Great Wall Motor ва ADM Jizzakh ўртасида ҳамкорлик шартномаси имзоланди.
2023 йил 7 июнь куни GWМ ва ADM Jizzakh МЧЖ ўртасида автомобиль йиғиш соҳасида ҳамкорлик шартномаси имзоланиб, икки томон ўртасидаги ҳамкорликни янада чуқурлаштириш учун мустаҳкам пойдевор яратилди.
GWМ Eurasia президенти Zhang Junxue ва Евросиё минтақаси бизнесни ривожлантириш директори Tian Lili бошчилигидаги Хитой компанияси делегацияси Жиззах вилоятида жойлашган ADM Jizzakh автомобиль йиғиш майдончасига ташриф буюриб, автомобиль заводининг ҳозирги ишлаб чиқариш қуввати ва маҳаллийлаштириш лойиҳалари бўйича олиб борилаётган ишлар билан танишди. Ташриф давомида делегация аъзолари Жиззах вилояти ҳокими Салиев Эргаш Алибекович билан ҳам музокаралар ўтказди.
Учрашувда Хитой томонига Ўзбекистон Республикаси ва Жиззах вилоятининг сармоявий салоҳияти, хусусан, амалга оширилаётган лойиҳалар ҳақида сўзлаб берилди. Ҳоким ADM Jizzakh МЧЖни ишончли ҳамкор эканлигини алоҳида таъкидлаб, Ўзбекистонда хорижий компанияларнинг автомобилсозлик соҳасига қизиқиши ортиб бораётганидан хурсанд эканлигини алоҳида таъкидлади.
Хитойлик ҳамкорлар, ўз навбатида, ушбу лойиҳанинг Ўзбекистонда Great Wall Motors автомобилларини ишлаб чиқаришни кенгайтиришдаги аҳамиятини таъкидладилар.
Zhang Junxue нинг сўзларига кўра, ADM Jizzakh билан узоқ муддатли ҳамкорлик янги технологияларни жорий этиш, қўшимча иш ўринлари билан таъминлаш ва автомобилларни йиғиш бўйича замонавий ишлаб чиқариш базасини яратиш ва автомобиль бутловчи қисмларини ишлаб чиқаришни маҳаллийлаштириш имконини беради.
.jpg)
HAVAL бренди остидаги автомобилларни йиғиш 2023 йилнинг кузида бошланиши режалаштирилган. HAVAL Ўзбекистон бозорига Жолион, М6, H6 ва Dargo моделларининг янги авлодини тақдим этишни режалаштирмоқда. Келажакда моделлар қатори кенгайтирилиб, электромобиллар ва гибрид автомобиллар ҳам киритилади.
Реклама ҳуқуқи асосида.
Изоҳ (0)