“Халқаро шартномани тасдиқлаш тўғрисида”ги президент қарори қабул қилинди, деб хабар беради Telegram’даги “Ҳуқуқий ахборот” канали.
Қарорга мувофиқ, Ўзбекистон ҳамда Словения ҳукуматлари ўртасида иқтисодий ҳамкорлик тўғрисидаги битим тасдиқланган. Мазкур битим 2023 йил 8 февраль куни Тошкент шаҳрида имзоланган эди.
Ҳужжатга мувофиқ, Инвестициялар, саноат ва савдо вазирлиги ушбу халқаро шартномани амалга оширишга масъул бўлган ваколатли орган этиб белгиланди.
Вазирлар Маҳкамаси ҳамда тегишли вазирлик ва идораларнинг раҳбарлари ушбу халқаро шартнома кучга кирганидан кейин унинг қоидалари амалга оширилиши устидан белгиланган тартибда назоратни таъминлайди.
2023 йилнинг январида “Халқаро шартномани тасдиқлаш тўғрисида”ги президент қарори билан Ўзбекистон ва Саудия Арабистони подшоҳлиги ҳукумати ўртасида божхона ишларида ҳамкорлик ва ўзаро ёрдам тўғрисидаги битим тасдиқланган эди. Февраль ойида эса Ўзбекистон Покистон билан имтиёзли савдо соҳасида ҳамкорлик қилиши маълум бўлди.
Изоҳ (0)