Туркманистонда яқин кунларда ҳаво ҳарорати кескин кўтарилиши кутилмоқда. Бу ҳақда “Метеожурнал” хабар берди.
![](/static/2023/zulfiya/photo_2023-06-15_18-13-29.jpg)
Маълум қилинишича, айрим ҳудудларда ҳаво ҳарорати Цельсий бўйича 45 даражагача қизийди. 15 июнь куни Ахал, Лебап ва Мари вилоятларида ҳаво ҳарорати 39-44 даражани, қирғоқбўйи ҳудудларида 29-34 даражани, бошқа ҳудудларда эса 37 ва 42 даражани ташкил қилмоқда.
16 июнь куни Болқон вилоятининг қирғоқбўйи ҳудудларида ҳаво ҳарорати 31 даражагача, Ахал ва Тошҳовуз вилоятида 43 даражагача, шарқ ва жануби-шарқда 45 даражагача ва бошқа ҳудудларда 30, 35 даражагача кўтарилиши кутилмоқда.
17 июнь куни эса Ахал ва Тошҳовуз вилоятларида ҳаво ҳарорати 3-5 даражага пасаяди, лекин шарқ ва жануби-шарқда иссиқлик 40 ва 45 атрофида сақланиб қолади.