Самарқанд вилояти Булунғур туманида 10 га яқин манзарали дарахт кесиб ташлангани аниқланди.
Экология, атроф-муҳитни муҳофаза қилиш ва иқлим ўзгариши вазирлиги Самарқанд вилояти бошқармасининг хабар қилишича, 17 июнь куни яшил белбоғ (иҳота) шаклида экилган қарийб 50-60 ёшлардаги 10 га яқин манзарали дарахтлар кесиб ташланган. Ўзини танитишни истамаган фуқаро ҳудудда қурилиш қилишини билдирган. Дарахтларни кесиш бўйича эса, ҳеч бир ҳужжат тақдим эта олмаган.
Айни пайтда ушбу ҳолат юзасидан тезкор ишчи гуруҳ тузилиб, қонунда белгиланган тартиб нормаларга мувофиқ ўрганиш ишлари олиб борилмоқда.
Изоҳ (0)