Тошкент вилоятида жойлашган Чимён тоғида адашиб қолган аёл қутқарилди. Бу ҳақда Фавқулодда вазиятлар вазирлиги ахборот хизмати хабар берди.
Унга кўра, 16 июнь куни соат 11:40 да Тошкент вилояти Фавқулодда вазиятлар бошқармасига Бўстонлиқ туманидаги “Катта Чимён” тоғига бир нафар фуқаро дам олиш мақсадида чиқиб, йўлдан адашиб қолгани ҳақида хабар келиб тушган.
Хабарга асосан, Чимён ёнғин-қутқарув отрядининг бир гуруҳ қутқарувчилари айтилган манзилга етиб борган. Тезкор олиб борилган қидирув-қутқарув ишлари натижасида фуқаро “Катта Чимён” тоғининг денгиз сатҳидан 2 800 метр баландлигидан топилган ва соғ-саломат пастга олиб тушилган.
Изоҳ (0)