Япония компаниялари Ўзбекистонда табиий офатларнинг олдини олиш бўйича лойиҳани амалга ошириши тўғрисида келишувга эришди, деб хабар бермоқда “Дунё” АА.
Маълум қилинишича, Ўзбекистон элчиси Муҳсинхўжа Абдураҳманов Японинянинг Nippon Investment Operating Corporation (NIOC) компанияси раҳбари Наби Мамажан, унинг ҳамкори, Murosystems Corporation бош ижрочи директори Пан Жонгсин билан Фавқулодда вазиятлар вазирлиги вакиллари иштирокида музокаралар ўтказди.
Учрашувда томонлар Япония компаниялари Ўзбекистонда табиий офатларнинг олдини олиш бўйича лойиҳани амалга ошириши тўғрисида келишувга эришди. Шу боис, япон томони яқин кунларда Ўзбекистонга ташриф буюриб, Фавқулодда вазиятлар вазирлиги ва бошқа мутасадди ташкилотлар билан дастлабки пилот лойиҳа бўйича музокаралар ўтказишга тайёрлигини маълум қилди.
Изоҳ (0)