Шимолий Корея Япон денгизига баллистик ракета учирди. Бу ҳақда Жанубий Корея штаб бошлиқлари бирлашган қўмитасига таяниб, Yonhap агентлиги хабар бермоқда.
Жанубий Корея ахборот агентлиги хабарига кўра, ракетанинг учирилиши КХДР чегарасида Жанубий Корея ва АҚШнинг қўшма ҳарбий машғулотлари якунланганидан сўнг дарҳол амалга оширилган.
Қайд этилишича, Япония Мудофаа вазирлиги ҳодиса арафасида ҳам Сеулни Шимолий Корея ҳарбийлари томонидан ракета учирилиши эҳтимоли ҳақида олдиндан огоҳлантирган. Кейинроқ Япония қирғоқ қўриқлаш хизмати баллистик ракета Япон денгизига қулагани ҳақида маълум қилди.
Аввалроқ Шимолий Корея БМТ Халқаро денгиз ташкилотига ракета учирилгани ҳақида хабар беришдан бош тортгани маълум қилинганди.
Изоҳ (0)