Маълумки, Олмалиқ кон-металлургия комбинати томонидан Ўзбекистон тараққиёти учун муҳим бўлган “Ёшлик 1 конини ўзлаштириш” йирик инвестисия лойиҳаси амалга оширилмоқда. Лойиҳа доирасида йилига 60 млн тонна рудани қайта ишлаш қувватига эга бўлган 3-Мис бойитиш фабрикаси бунёд этилаяпти.
МДҲ давлатларида ягона бўлган ушбу 3-Мис бойтиш фабрикаси объектини лойиҳалаш ишлари учун “Wood” (Италия) компанияси, лойиҳа ҳужжатларини текшириш ва қабул қилиш учун “Technip Energies” (Буюк Британия) ҳамда қурилишда техник назоратини амалга ошириш учун “WorleyParsons Uzbekistan Engineering” компаниялари жалб этилган.
Айни кунларда қурилиш ишлари кулминасион нуқтага етказилиб, 12 мингдан зиёд қурувчи ва 1200 та махсус техника фабрика қурилиш майдонига жалб қилинган.
Қурувчи компания томонидан майдалаш ускуналари пойдевори ва бинолар пойдевори, кичик ҳолда майдалаш ускунаси пойдевори, маъдан тайёрлаш ускунаси пойдевори, таянч деворлар флотасиялаш ускунаси пойдевори, қуруқ ҳолда ғалвирдан ўтказиш биноси, йирик маъдан сақлаш омбори қурилиши якунига етказилди.
Шу кунларда қурувчилар йирик ҳажмдаги 7,3 х 13 метрли шарли тегирмонларни ўрнатишмоқда. Жами шундай тегирмонлардан 12 та ўрнатилади.
Шарли тегирмонлари учун “ABB Switzerland Ltd” компаниясининг 12 комплект электр двигателлар ва 14 комплект трансформаторлар, CEMTEC (Германия) компаниясининг 12 комплект гидростатик подшипниклари ва 12 комплект тишли тожлар, NAIPU (Хитой) компаниясининг 12 комплект цилиндрик бутаралари, флотасия машиналари учун Thyssenkrupp (Германия) компаниясининг 7 комплект редукторлари ва 6 комплект двигателлари ҳамда Metso Outotec (Финляндия) компаниясининг 7 комплект редукторлари ва 6 комплект электр двигателлари етказиб берилган.
Параллел равишда фабриканинг инфратузилма объектларида ҳам ишлар қизғин кетмоқда. Ушбу объектларни қурилиш ишларига қўшимча равишда яна 4 мингга яқин ишчилар жалб этилган.
Қолдиқларни сақлаш хўжалигида тўғон пойдеворини қуриш бўйича 7,5 млн м3 тупроқ ишлари бажарилди. Сув таъминоти объектларини қуриш бўйича 71 та (жами 114 та) қудуқни бурғилаш ишлари ҳам якунига етказилди.
Шунингдек, фабрикани 650 Мегаватт қувватга эга ташқи электр таъминоти объекти қурилиши ҳам ниҳоясига етди.
Шунингдек, 500 кВ рақамли подстанциясида қурилиш-монтаж ишлари ва асосий ускуналарни етказиб бериш ҳам якунига етказилди.
Эътиборлиси, янги мис бойитиш фабрикасининг барча технологик жараёнлари тўлиқ замонавий ускуналар ёрдамида автоматлаштирилган бўлади. Бу инсон омилининг технологик жараёнларга таъсирини камайтириб, маҳсулот сифатини яхшилайди, меҳнат сифатини оширади, шунингдек, фавқулодда вазиятларни камайтиради.
Ва муҳими, мазкур объект ишга туширилиши натижасида 6 мингта янги иш ўрни яратилади.
3-Мис бойтиш фабрикаси қурилиши давом этаётган бир паллада 4-Мис бойтиш фабрикасини лойҳалаш ишлари ҳам бошлаб юборилди.
Реклама ҳуқуқи асосида
Изоҳ (0)