“Вагнер” асосчиси Евгений Пригожин чой ичишда эҳтиёт бўлиши керак, чунки Кремль уни шахсан Владимир Путинни қаттиқ танқид қилгани учун жазолаши мумкин. Бу ҳақда Politico ўзининг киноя ва таҳлилий мақоласида маълум қилди.
“Россия президенти Владимир Путинни безовта қилиш ёки унга эътироз билдириш хавфли ўйин бўлиб, дачада ўз жонига қасд қилиш билан якунланиши мумкин”, — дейилади хабарда.
Нашрнинг эслатишича, Украинага кенг миқёсли босқин бошланиши билан таниқли русларнинг сирли ўлим тўлқини бутун Россия бўйлаб тарқалди: камида етти россиялик олигарх ғалати шароитларда вафот этди ва кўплаб таниқли амалдорларнинг тўсатдан ўлими ҳам қайд этилди.
Яқинда Путинни шахсан ҳақорат қилган Пригожин ҳам бир пиёла хушбўй чой ичганидан сўнг “ноаниқ” деразадан тушиб кетиши ёки ўлиши мумкинлигини прогноз қилинди.
“Ўтган ҳафта Пригожин ъчолъ (Россияда кўпчилик бу Путинга қаратилган, деган фикрга келган) деган баёноти билан чегарани кесиб ўтдими? Менимча, руслар бундан-да камроқ сабабларга кўра деразадан тушиб кетган”, — деб истеҳзо қилади мақола муаллифи.
Шу билан бирга, нашр россиялик мухолифат журналистлари Андрей Солдатов ва Ирина Бороганнинг фикрини келтириб ўтади, улар ҳамон Пригожинни Россия ҳарбий разведкаси ва шахсан Путиннинг таянчи сифатида кўради. Кремль диктатори Пригожинга атайлаб маълум эркинликларни бергани, бунинг ортидан у Россиянинг олий ҳарбий раҳбариятига қарши туришда давом этиши айтилган.
Пригожин Путинни танқид қилди
9 май куни, Путин Қизил майдонда ҳарбий парадни томоша қилаётганида, “Вагнер” асосчиси Пригожин бир оз пардаланган, аммо тушунарли тарзда Путинни танқид қилган видеони жойлаштирди.
У маълум бир “чол” рус армияси яхши ишлаяпти деб ўйлашини, аслида руслар фронтда катта йўқотишларга дучор бўлиши ва доимо снарядлар етишмаслигини бошдан кечираётганини билдирди.
“Мамлакат бундан кейин нима қилиши керак? Урушда қандай ғалаба қозониш мумкин, менинг тахминимча бу чол тўлиқ тентак эканлиги аён бўлади?”, — деган у.
Изоҳ (0)