UFC 288. Алжамейн Стерлинг Сехудони енгиб, камарини сақлаб қолди. Билол Муҳаммадда ҳам ғалаба

АҚШнинг Ню-Жерси штатида Ўзбекистон вақти билан 7 май тонгида UFC 288 мусобақаси бўлиб ўтди.

MMA оқшомининг асосий жанги ўта енгил вазн тоифаси чемпиони Алжамейн Стерлинг ва собиқ чемпион Генри Сехудо ўртасида кечди. Жанг 5 раунд тўлиқ давом этди ва ҳакамларнинг фарқли қарори билан Стерлинг ғолиб деб топилди.

Шу тариқа Алжамейн ўз камарини муваффақиятли ҳимоя қилди. Уч йиллик танаффусдан сўнг октагонга қайтган Сехудо мағлубиятни қабул қилиб олди.

Яна бир асосий жанглардан бири ярим ўрта вазн тоифаси вакиллари Билол Муҳаммад ва Гилберт Бёрнс ўртасида кечди. Беш раунд давом этган жангда устунлик қайд этган Билол очколар эвазига ғалаба қозонди.

UFC 288 натижалари:

Асосий кард

• Алжамейн Стерлинг очколар эвазига Генри Сехудони енгди;
• Билол Муҳаммад очколар эвазига Гилберт Бёрнсни ютди;
• Ян Сяонан 1-раундда Жессика Андрадени нокаут қилди;
• Мовсар Евлоев очколар эвазига Брайс Митчеллни енгди;
• Чарльз Журдан очколар эвазига Крон Грэйсни ютди.

Прелим кард

• Метт Фревола 1-раундда Дрю Доберни нокаут қилди;
• Кеннеди Нзечукву 2-раундда Девин Кларк сабмишен билан ютди;
• Калин Уильямс очколар эвазига Роландо Бедояни енгди;
• Вирна Яндироба очколар эвазига Марина Родригесни ютди;
• Паркер Портер 1-раундда Бракстон Смитни нокаут қилди;
• Икрам Алискеров 1-раундда Фил Ҳоусни нокаутга учратди;
• Клаудио Рибейро 2-раундда Жозеф Ҳолмсни нокаут қилди.