АПЛ. “Манчестер Юнайтед” 90+9-дақиқада гол ўтказиб юбориб, мағлубиятга учради

Футбол бўйича Англия Премьер Лигаси 28-туридан ўрин олган қолдирилган ўйинда “Брайтон” 4 май, пайшанба куни “Манчестер Юнайтед”ни қабул қилди.

Биринчи бўлимда дарвозалар дахлсизлиги сақланиб қолди. Иккинчи бўлимнинг асосий вақтига қўшиб берилган тўққизинчи дақиқада “қизил иблислар” дарвозасига пенальти белгиланди. “Брайтон” футболчиси Алексис Мак Алистер 11 метрлик жарима зарбасини аниқ амалга оширди ва жамоасига ғалаба келтирди.

Мазкур учрашувдан кейин “Манчестер Юнайтед” 63 очко билан турнир жадвалида 4-ўринни эгаллаб турган бўлса, “Брайтон” 55 очко билан 6-ўринга кўтарилди.

АПЛ

Қолдирилган 28-тур ўйини

4 май, пайшанба

“Брайтон” — “Манчестер Юнайтед” 1:0

Гол: 1:0 – 90+9 Мак Аллистер.

“Брайтон”: Стил, Данк, Уэбстер, Эступиньян, Мак Аллистер, Гилмор (Коллуил, 75), Энсисо, Митома, Буонанотте (Марч, 63), Кайседо, Уэлбек (Ундав, 75).

“Манчестер Юнайтед”: Де Хеа, Уан-Биссака, Шоу, Линдельоф, Диогу Далот, Каземиро, Фред (Забицер, 76), Бруну Фернандеш, Антони (Санчо, 76), Марсял (Вегорст, 84), Рэшфорд.

Огоҳлантиришлар: Каземиро (44), Адам Уэбстер (52), Диэгу Далот (59), Антони (70), Льюис Данк (70), Коллуил (77), Кайседо (87), Шоу (90+4).