Ўзбекистон муфтийси билан савол-жавоб қилиш учун Telegramъда бот очилди, деб хабар бермоқда Ўзбекистон мусулмонлари идораси матбуот хизмати.
Маълум қилинишича, Фатво маркази директори, муфтий Нуриддин Холиқназаровга тўғридан тўғри савол йўллаш орқали жавоб олишни ташкил этиш мақсадида Telegramъда савол-жавоб боти фаолияти йўлга қўйилди. Эндиликда фуқаролар ўзларини қизиқтирган диний масалалардаги савол, таклиф ва мулоҳазаларини Telegramъдаги @muftiy_savol_javob_bot ботга юбориши мумкин.
Жавоблар @Muftiy_Nuriddin_domla Telegram-каналида эълон қилинади ва айрим хос масалалар мурожаатчининг ўзига тақдим этилади.
Изоҳ (0)