Лос-Анжелесда яшовчи Нала лақабли мушукни Instagram’да 4,5 миллиондан ортиқ инсон кузатади. У “Йилнинг энг яхши тиктокери” мукофоти ғолиби, шу билан бирга ижтимоий тармоқлар орқали 100 миллион доллар ишлаб топган. Бу ҳақда унинг эгаси, асл исми Васири Матачиттифан бўлган Пуки This Morning кўрсатувига берган интервьюсида гапириб берди, деб ёзмоқда “Корреспондент.нет” нашри.
Нала ҳайвонлар бошпанасида бўлган, унинг Instagram’даги аккаунти эса 2012 йилда очилган.
“Менимча, у ижтимоий тармоқларда ўзига ўзи гапираётгандек кўрсатган биринчи мушук эди. Мушук инсонларга ёққанининг сабабларидан бири ҳам, шу хусусият унинг шахсиятини яратган, бундан ташқари мушук жуда ҳам ёқимтой” — дейди Пуки.
Бундан ташқари, Нала ҳозирда Instagram’даги энг кўп обуначига эга мушук сифатида Гиннеснинг рекордлар китобига киритилган ва у “Йилнинг энг яхши тиктокери” танловида ҳам тўрт кишини ортда қолдириб, ғолиб бўлган.
“Шу кунгача бунга ишонганман, ҳеч қачон бу ерда бўламан деб ўйламаган эдим, ҳаттоки сизлар билан Буюк Британияда телевидениеси орқали гаплашаётган бўлсам ҳам, содир бўлган ҳамма нарса учун жуда миннатдорман ва ўйлайманки, буларнинг барчаси қандайдир сабаб билан содир бўлди.
Мен партнёрим билан илк марта Instagram орқали унинг аккаунтини яратганимда ва бўйинбоғ буюртма қилганимда танишгандим. Шеннон ўзининг икки жиянини беш ва олти ёшлигида асраб олган ва уларга ғамхўрлик қилиш учун ишдан кетишга мажбур бўлган, бизнинг танишувимиз шундай бўлган. У ўзининг бўйинбоғларини ясашни ва уларни Etsy’да сотишни бошлади ва мен ундан улгуржи савдода 50 та бўйинбоғ сотиб олсам бўладими, деб сўрадим, шундан кейин биз учрашдик”, — дейди уй бекаси.