2023 йилнинг 27 февраль куни 200 юздан оқтиқ давлатдан ташриф буюрган 2000 дан ортиқ компанияларни узида жам қилган Барселонада бошланган Бутунжаҳон Мобил Конгресси (MWC 2023) ўз ишини бошлади. Унда 80 минг иштирокчи, шу жумладан Ўзбекистон делегасияси форумлар, конференциялар, давра суҳбатлари, шунингдек, инновасион технологияларнинг йирик кўргазмасида иштирок этади.
MWC нинг доимий аъзоси сифатида Huawei бу йил бир қатор тадбирлар ўтказади ва келажакда ақлли дунё яратиш ҳамда кундалик рақамли ҳаёт, рақамли иш, рақамли ишлаб чиқариш ҳамда бутун жамиятнинг яшил ва барқарор ривожланишини таъминлаш учун илғор инфратузилма ечимларини тақдим этмоқда.
Ишнинг биринчи кунида Рақамли технологиялар вазирлиги, алоқа операторлари ва экотизим ҳамкорларидан иборат Ўзбекистон делегасияси вакиллари Huawei стендига ташриф буюриб, мамлакатда рақамлаштиришни жадаллаштириш ҳамда Ўзбекистон аҳолисига телекоммуникасия ва рақамли хизматлар кўрсатиш сифатини яхшилаш учун қўлланилиши мумкин бўлган асосий инновациялар ва ечимлар билан танишишди. Меҳмонларга телекоммуникасия соҳаси учун сунъий интеллект, булутли ҳисоблаш, экологик тоза ва энергия тежовчи технологияларга асосланган ечимлар намойиш этилди.
“Ўтган йил давомида АКТ экотизимининг барча иштирокчиларининг биргаликдаги меҳнати туфайли “Рақамли Ўзбекистон”ни ривожлантириш стратегиясини амалга ошириш сезиларли даражада тезлашди. Электрон ҳукумат маркази учун ягона маълумотларни қайта ишлаш ва сақлаш марказининг ишга туширилиши, алоқа операторлари тармоқларини модернизасия қилиш, шунингдек, 5G лойиҳаларини амалга ошириш Ўзбекистонга рақамли трансформасия кўрсаткичларини ошириш имконини берди, бу эса фойдаланувчиларга хизмат кўрсатиш сифатини оширишни англатади. Бугун MWC доирасида Ўзбекистон делегасияси учун биз АКТ инфратузилмасини янада мустаҳкамлашга ва шу билан бирга яшил технологиялар орқали тармоқларнинг энергия самарадорлигини оширишга ёрдам берувчи ечим ва технологияларни тақдим этамиз”, — деди Ҳуаwеи компаниясининг Ўзбекистондаги директори Чен Сзякай.
Конгресс давомида Huawei глобал операторлар, соҳа экспертлари ва фикр етакчилари билан бир қатор долзарб мавзуларни, жумладан, ривожланишнинг янги имкониятлари, 5G бизнес муваффақияти, 5.5G га ўтиш, яшил ривожланиш ва рақамли трансформацияни муҳокама қилади. Ўзбекистон делегасиясининг иштироки дастурида компания раҳбарияти билан бир қатор учрашув ва музокаралар ўтказиш режалаштирилган.
Бутунжаҳон Мобил Конгресси 2023 Барселонада 27 февралдан 2 мартгача бўлиб ўтади. Huawei ўз ечимларини Fira Gran Via кўргазма мажмуасининг биринчи павилионидаги 1H50 стендида тақдим этади. Қўшимча маълумот олиш, шунингдек, Huawei тадбирларида онлайн иштирок этиш учун ҳаволасига ўтинг.
Реклама ҳуқуқи асосида.
Изоҳ (0)