Ўзбекистон фонд бозори тарихидаги акцияларнинг умумий қиймати бўйича энг йирик IPO якунланди – UzAuto Motors АЖ акциялари “Тошкент” фонд биржасида бирламчи оммавий таклиф (IPO) орқали жойлаштирилди.
Сўнгги йилларда компаниянинг ривожланиш йўлидаги саъй-ҳаракатлари ҳамда эришилган қатор ютуқлар инвсетициявий ҳамкорликка йўл очди ва муносабатларни мустаҳкамлади. Натижада UzAuto Motors АЖнинг IPOʻга чиқиши Ўзбекистон қимматли қоғозлар бозорида узоқ кутилган воқеликка айланди.
Савдолар якунига кўра, компаниянинг 56,9 млрд сўмлик акциялари Республика фонд биржасига жойлаштирилган бўлса, ўзаро тақсимланиши бўйича 80 фоизи институционал инвесторлар (юридик шахслар), қолган 20 фоизи жисмоний шахслар ҳиссасига тўғри келади.
UzAuto Motors акцияларининг илк оммавий жойлаштирилиши республикамизда амалга оширилаётган хусусийлаштириш ва капитал бозорини ривожлантириш бўйича йирик давлат корхоналари ўртасидаги дастлабки қадам ҳисобланади.
Таъкидлаш жоиз, UzAuto Motors IPO си коронавирус пандемияси ва глобал иқтисодий инқироздан сўнг маҳаллий фонд бозорида амалга оширилаётган илк IPO ҳисобланади. Шубҳасиз мазкур воқелик маҳаллий инвесторларнинг фаоллашуви ҳамда компаниянинг жаҳон ҳамжамиятига иқтисодий томонлама интеграциялашувига ижобий таъсир кўрсатади.
Реклама ҳуқуқи асосида.
Изоҳ (0)