“Korzinka” супермаркетлар тармоғи улгуржи харидлар учун янги “Korzinka Бизнес” дўконини очди. У ерда юридик шахслар зарур ҳужжатларни расмийлаштирилган ҳолда катта ҳажмдаги товарларни харид қилишлари мумкин.
2023 йил 15 февраль куни Тошкент шаҳрининг Сергели туманида “Korzinka” супермаркетлар тармоғининг биринчи B2B форматдаги дўконининг тантанали очилиш маросими бўлиб ўтди. Компания “Korzinka Бизнес” бренди остида бизнес учун улгуржи савдонинг янги йўналишини йўлга қўйди. Дўконнинг савдо майдони 1800 квадрат метрни ташкил этади.
“Korzinka Бизнес” — бу Anglesey Food компаниясининг фақат юридик шахслар ва якка тартибдаги тадбиркорлар учун улгуржи савдога йўналтирилган махсус бўлинмаси. Лойиҳа кичик ва ўрта бизнес харидорлари учун қулай шарт-шароитларни таъминлаш мақсадида яратилган: нархлардан тортиб, қулай харид жараёни ва ҳужжатларни расмийлаштиришгача.
Тантанали очилиш “Korzinka Бизнес” жойлашган ҳудуд — Home Spot савдо марказида бўлиб ўтди. Тадбирга турли бизнес соҳалари вакиллари, жумладан, турли компаниялар эгалари, кафе ва ресторан тармоқлари ҳамда кўплаб оммавий ахборот воситалари вакиллари иштирок этишди.
Тадбирнинг расмий қисми “Korzinka” супермаркетлар тармоғи ва “Korzinka Бизнес” улгуржи дўкони асосчиси Зафар Ҳошимовнинг нутқи билан бошланди.
“Ўзбекистонда замонавий чакана савдо соҳасида биринчи ва етакчи корхона сифатида биз тадбиркорлар товарларни харид қилиш жараёнида дуч келадиган барча масала ва қийинчиликларни биламиз. Chakana савдо бизнеси осон эмаслигини биламиз: ўнлаб етказиб берувчилар билан ишлаш, кўплаб шартномалар ва алоҳида ҳужжатларни расмийлаштиришни талаб қилади. Шунингдек, бозорлардан товарлар харид қилинганда, кўпинча ҳужжатлар бўлмайди, бу эса солиқ бўшлиқларини келтириб чиқаради. Биз бутун замонавий чакана савдонинг ривожлантириш ва бозорда шаффофликни таъминлаш тарафдоримиз, шу мақсадда янги B2B форматини ишга туширдик. Korzinka Бизнеснинг барча ҳамкорлари ва мижозлари билан биргаликда ўсиш мақсадида биз ўз ресурсларимиз билан бўлишишга қарор қилдик”, — деди Зафар Ҳошимов.
Кейинги сўз “Korzinka Бизнес” йўналиши раҳбари Александр Ляпустинга берилди.
“Нега айнан Korzinka Бизнес? Чунки бозорда кўплаб корхона ва ташкилотлар бор, уларнинг барчасида сифатли товарларга эҳтиёж мавжуд. Гап нафақат йирик корхоналар, балки кичик дўконлар, шунингдек, кафе, ресторан ва меҳмонхоналар ҳақида ҳам кетмоқда. Биз ҳартомонлама қулай ечимни таклиф қиляпмиз: улгуржи нархлар, бир жойда товарнинг катта захиралари, стандартларга мувофиқ сақлаш шароитлари. Дўконда 3,5 мингга яқин турли хил товарлар, шунингдек, 800 кг гача юк кўтара оладиган махсус аравалар тақдим этилган”, — таъкидлади Александр.
Зафар Ҳошимов, Александр Ляпустин ва лойиҳа менежери Екатерина Нечаева тантанали равишда дўконни очиб бердилар ва тадбир барча иштирокчиларнинг дўкон бўйлаб саёҳати билан давом этди. Кўплаб меҳмонлар клуб карталарини рўйхатдан ўтказиш истагини билдирдилар, Korzinka Бизнес мутахассислари эса бунда уларга махсус мўлжалланган пештахталарда ёрдам бердилар.
Korzinka Бизнесда товарлар сотиб олинганда улар учун барча тегишли ҳужжатлар тузилади: шартнома, ҳисоб-фактура, товар хусусиятлари ва бошқалар. Шундай қилиб тадбиркор ва корхоналар ҚҚС солиғи бўйича бўшлиқларсиз қулай ва шаффоф иш юритиш имконига эга бўлади, бу эса уларнинг рақобатбардошлигини оширади.
Шунингдек, Korzinka Бизнесда тадбиркорлар учун товарларни доналаб сотиб олиш имконияти ҳам бор. Товарларнинг минимал миқдори маҳсулот турига қараб, одатда камида иккитадан бўлади. Дўкондаги ҳар бир нарх ёрлиғида товарларнинг сотиб олишга рухсат берилган минимал миқдори, шунингдек, бир бирлик нархи кўрсатилган.
Ушбу дўкон фақат юридик шахслар ва якка тартибдаги тадбиркорлар учун мўлжалланган. Уларнинг ҳар бири ўз эҳтиёжлари, имкониятлари ва хусусиятларига эга бизнесдир. B2B йўналишидаги янги формат бизнеснинг ўзи ва умуман замонавий чакана савдонинг ривожланишини рағбатлантирадиган харидлар учун энг қулай ечимни топишга имкон беради.
Korzinka Бизнесдан харид қилиш учун рўйхатдан ўтиб, клуб картасини бепул олиш керак. Рўйхатдан ўтиш Korzinka Бизнес вакили орқали дўконнинг ўзида жойлашган маълумот маркази ва (+998) 93-123-14-14 телефон рақами орқали амалга оширилади.
Қандай қилиб Korzinka Бизнес мижози бўлиш, товарлар учун тўловни қандай ўтказиш ва харидларда қандай чекловлар мавжудлигини biznes.korzinka.uz расмий веб-сайтидан билиб олишингиз мумкин.
Korzinka Бизнес – манфаатли ҳамкорлик
Korzinka Бизнеснинг ижтимоий тармоқлардаги расмий саҳифалари:
Реклама ҳуқуқи асосида.
Изоҳ (0)