Қашқадарё вилояти Шаҳрисабз туманида иккита қор кўчкиси содир бўлди. Бу ҳақда ФВВ матбуот хизмати хабар берди.
Маълум қилинишича, 16 февраль куни соат 11:00 ларда, тахминан, 1200 метр куб ҳажмда қор кўчкиси содир бўлган. Воқеа жойига зудлик билан туман ҳокимлиги ва туман Фавқулодда вазиятлар бўлими ходимлари чиқиб, ушбу қор массаларини зарур техникалар ёрдамида тўлиқ бартараф этган ва автомобиллар қатнови йўлга қўйилган.
17 февраль куни соат 10:30 ларда шу манзилда яна қор кўчиши кузатилган. Кўчки натижасида йўлнинг, тахминан, 15 метр қисмини қор массаси ёпиб қўйган. Ҳозирда ушбу кўчки оқибатлари механизация кучлари ёрдамида бартараф этилмоқда.
Ушбу иккита ҳолат оқибатида ҳеч бир бино иншоотларга зарар етмаган, тан жароҳати олган ва ҳалок бўлганлар йўқ.
Изоҳ (0)