Rotten Tomatoes веб-сайти ҳар йили ўтказиладиган Golden Tomato мукофоти натижаларини эълон қилди. Актриса Женна Ортега Golden Year (“Олтин йил”) номинациясида ғолиб бўлди, у ўтган йили муваффақиятли лойиҳалар устида ишлагани, йилнинг бир нечта муваффақиятли фильмлари, телешоуларда рол ўйнагани, шунингдек, шахсий ютуқлари учун мукофотланди.
.jpg)
Сайт таҳририяти вакилларининг сўзларига кўра, улар 70 та машҳур номдан иборат қийин танловга дуч келган. Натижада мукофотни беш киши: Квинта Брунсон (америкалик ёзувчи, продюсер ва комедиячи) “Эббот бошланғич мактаби” ситкомини яратгани учун; Коллин Фаррел “Бетмен” фильмидаги Пингвин роли, “Ўн уч ҳаёт” драмаси ва “Банши Инишерина” қора комедияси учун; “Ойлик рицар” сериали, “Варангиан” фильми ва “Қора телефон” даҳшатли фильми учун Итан Хоук; Женна Ортега “Уэнздей” ва бир вақтнинг ўзида бир нечта даҳшатли фильмлар: “Қичқириқ”, “Studio 666” ва бошқа лойиҳалар учун ғолибликни қўлга киритди.
Шунингдек, Мишель Еоҳ йилнинг энг юқори даромад келтирган мултфильми “Миньонлар: Грювитация”нинг овозга бериш жараёнларидаги иштироки ва “Ҳаммаси ҳамма жойда ва бир вақтнинг ўзида” фильмидаги бош ролни ижро этгани учун (кинотанқидчилар ушбу лойиҳа “Энг яхши фильм” номинациясида “Оскар” мукофотини қўлга киритишини башорат қилмоқда, комедия умумий 11 номинация бўйича номзод бўлди) мукофотга лойиқ кўрилди.
Golden Tomato мукофоти ғолиблари ва номзодлари сайтдаги рейтингга кўра танланади. Рейтинг ўз навбатида, ёзувчилар уюшмаси ва кинотанқидчилар ассоциациясининг дипломга эга аъзолари томонидан маълум бир фильм учун оммавий ахборот воситаларида чоп этилган шарҳлардан иборат.
Изоҳ (0)