Samsung компанияси янги Galaxy С23 смартфонлар ҳамда учта моделни ўз ичига олган Galaxy Book ноутбукларининг янгиланган моделини намойиш этди.
Galaxy С23 ва С23 Plus
Иккала моделда ҳам Снапдрагон 8 Ген 2 процессорлари, 120 Гц янгиланиш тезлигига эга 1080п OLED дисплейлар ва Горилла Гласс Victus 2 мавжуд.
Иккала смартфон ҳам 50 мегапикселли асосий камера, 12 мегапикселли кенг бурчакли ва 10 мегапикселли уч карра масштабли телефото линзаларига эга. Олд камера энди 12 мегапикселли автофокусга эга ва ҲДР видеони сониясига 60 кадр тезликда суратга олиши мумкин.
Galaxy С23 экранининг ўлчами 6,1 дюйм, Galaxy С23 Plus эса — 6,6 дюйм. Биринчисида 3900 мА/соат батарея, иккинчисида 4700 мА/соат қувватга эга аккумулятор мавжуд.
Иккала қурилманинг аккумулятор сиғими аввалги авлод Galaxy С22 билан солиштирганда 200 мА/соатга ошган.
Қурилмалар тўртта рангда мавжуд: лаванда, яшил, қаймоқранг ва қора. Galaxy С23 нинг нархи 799 доллардан, Galaxy С23 Plus эса 999 доллардан бошланади.
Galaxy С23 Ultra
Қурилма дизайндаги кичик ўзгаришларни жамлаган. Телефоннинг узун қирралари, шунингдек, орқа панел ва экраннинг четлари камроқ эгрилашган.
Galaxy С23 Ultra Снапдрагон 8 Ген 2 процессори, 8 ёки 16 Гб тезкор хотира ва янгиланган 200 мегапикселли асосий камера билан жиҳозланган. Smartфон 5G ва Wi-Fi 6Э тармоқларини қўллаб-қувватлайди.
Унда кенг бурчакли камера ва телефото линзалари ўзгаришсиз қолди — мос равишда 12 мегапиксел ва 10 мегапиксел.
Galaxy С23 Ultra ҳам тўрт рангда мавжуд: лаванда, яшил, қаймоқранг ва қора. С Пен стилус билан бирга келади. Янгиликнинг нархи 1 200 доллардан бошланади.
Galaxy Book 3
Galaxy Book Про 13-авлод Intel Core i7 процессори, 32 Гб тезкор хотира, Intel Iris Хе график картаси ва 1 ТБ сиғимли ССДъга эга.
Ноутбук иккита ўлчамда мавжуд — 14 ва 16 дюйм. У икки хил — қора ва оч кумуш рангда мавжуд. Қурилманинг нархи 1 499 доллардан бошланади.
Galaxy Book Про 360 асосий Про модели билан бир хил хусусиятларга эга. Шу билан бирга, унинг экрани тескари томонга букланиб, планшет сифатида ишлатилиши мумкин. Шунингдек, у С Пен стилусини ҳам қўллаб-қувватлайди.
Ноутбукнинг нархи 1 399 доллардан бошланади. Буюртма учун бир хил иккита ранг мавжуд — қора ва оч кумуш ранг.
Galaxy Book Ultra 13-авлод Intel Core i7 процессори, 32 Гб тезкор хотира, Nvidia РТХ 4050 ёки РТХ 4070 график картаси, 1 ТБ ССД билан жиҳозланган. Қурилма икки ўлчамда — 14 ва 16 дюймда мавжуд бўлиб, 2880х1800 ўлчамли динамик AMOLED экранга эга.
Galaxy Book Ultra 2 199 доллардан бошланади.