“Техник таъминлаш ва бутлаш бошқармаси” аукционда 80 млрд сўмга сотилди

Давлатга тегишли бўлган “Техник таъминлаш ва бутлаш бошқармаси” кимошди савдосида 80,2 млрд сўмга сотилди. Маълумотлар E-auksion порталида эълон қилинган. 

Бошқарма Тошкент шаҳар Яшнобод туманида жойлашган. У аукционга Давлат активларини бошқариш агентлги Тошкент шаҳар ҳудудий бошқармаси томонидан президент қарорига асосан чиқарилган. 

Компания умумий 18,3 гектар бўлган ер майдонига эга. Дебиторлик қарздорлиги кредитиорлик қарздорлигидан кўпроқ. Ўртача йиллик ишчилар сони — 400 нафар. 

Давлат корхонасининг 100 фоиз улуши аукционда 16 январь куни 80,2 млрд сўмга Ofeles Solution компаниясига сотилган ва бу январдаги энг қиммат сотилган лотдир. 

Ofeles Solution таъсисчиси Ойбек Избасаров бўлиб, у “Техник таъминлаш ва бутлаш бошқармаси”ни сотиб олган компаниядан ташқари яна 9 та компания таъсисчиси ҳисобланади.